Maung Swan Yi - Poem

မွေးရပ်မြေ

မောင်စွမ်းရည်
ဇန်န၀ါရီ ၂၈၊ ၂၀၁၂



ငါတို့ရွာ၊ ငါ့ဇာတိ
မြန်မာပြည်မြေပုံမှာ
ရှာကြည့်
မတွေ့မိ။
ကားလမ်းမရှိ ရထားလမ်းမရှိ
ပထမကမ္ဘာစစ်မသိ
ဒုတိယကမ္ဘာစစ်မရှိ။

စစ်သားမရှိ၊ စစ်မယားမရှိ
ရဲသားမရှိ၊ ရဲကားမရှိ
ရုပ်ရှင်ရုံမရှိ၊ ရုပ်သေရုံမရှိ
စာအုပ်ဆိုင်မရှိ၊ ဆေးမှူးမရှိ
အိမ်သာမရှိ၊ အိမ်ဆိုင်မရှိ
ကာကာဆိုင်မရှိ၊ ကျူလယာဆိုင်မရှိ
တရုတ်မရှိ၊ ကုလားမရှိ
လျှပ်စစ်မီးမရှိ၊ ဓာတ်ငွေ့မီးမရှိ

သို့သော်
ကြံကြီးစည်ရာ
တောင်ပေါ်ကြာရောက် ပေါက်ပေါက်ရှာရှာ
ချိုချိုခါးခါး
ကဗျာဆရာတဦ ရှိခဲ့ဖူး၏။