ကဗျာထဲက သူရဲကောင်း
အောင်ဘညို
ဇူလုိုင် ၁၊ ၂၀၁၃
ရွာဦးကျောင်းမှာ
ရေတွင်းတူးတုန်းက
မင်းမပါဘူး…..။
ငါတို့လယ်တွေ ပျိုးကြဲတုန်းက
မင်းမပါဘူး….။
လွင်တီးခေါင်တွေ
သစ်ပင်စိုက်တုန်းက
မင်းမပါဘူး….။
ခုတော့မင်းက
ဗိုလ်ချုပ်နဲ့ လည်ပင်းဖက်ကြီးသလို
သခင်ဗဟိန်းနဲ့ ဂွေပဲအတူလှိမ့်ခဲ့သလို
သခင်သန်းထွန်းနဲ့ မီးဝင်မီးထွက်လိုလို
ဟိုချီမင်းက မင်းဘကြီးလိုလို
မင်းကဗျာတွေဖတ်ရတာ
အသက်ရှူကျပ်ပြီး မနေတတ်ဘူး။
သြော်…
သြော်…
သြော်…
မင်းကဗျာတွေက ဘာလိုလို…။
ဤနေရာမှ ထပ်ဆင့်ပြန်လည်ကူးယူပါသည်။
Comments