သူဖုန်းစားတယောက်ရဲ့ သေတမ်းစာ
ဆောင်းလူ
စက်တင်ဘာ ၉ ၊ ၂၀၁၃
ငါ မရှိတော့ရင် မြွေရေခွံအိတ်ကွက်ကျားခင်းထားတဲ့ ကျောတခင်းစာကုို စည်ပင်က မသိမ်းမခြင်း ငါနဲ့ ဒုိုးတူဘောင်ဖက် တောင်းရမ်းစားခဲ့တဲ့ ငါ့မိန်းမက ရစေ ...။
ငါပုိုင်ဆုိုင်တဲ့ တောင်းစားလက်နက် ခွက်အစုတ်ကုို အိပ်မက်မြင့်မြင့်မက်တတ်တဲ့ သားအကြီးက ရစေ ...။ ပြည်တွင်းအရေး ပြည်ပအရေး .. အချိန်နဲ့တပြေးတည်း သိစေလုို့ တောင်းစားခွင်ကုို ချဲ့ထွင်နုိုင်ဖုို့ ငါ အမြဲနားဆင်တဲ့ ကက်ဆက်အစုတ်တလုံးပါ ရစေ ..။
သူတောင်းစားအဆောင်အယောင် ပတ်တီး .. ဆေးနဲ့ ချိုင်းဒေါက်တုို့အား သားအငယ်က ယူစေ ...။ ဆထက်ထပုိုး အနာဂတ်အကျိုးအတွက် တောင်းစားနည်း ချဲ့ထွင် နုိုင်အောင် ငါကုိုယ်တုိုင် မှတ်တမ်းတင် တီထွင်ပြုစုထားတဲ့ မျက်နှာမြင် ငွေပေးပါစေ .. သနားကျမ်း ... ပါ ရစေ ...။
ငါ့သမီးကြီးက တုို့မျိုးရုိုး သူတောင်းစားဂုဏ်ကုို ရေရှည်တည်တံ့ခုိုင်မြဲစွာ မြှင့်တင်နုိုင်ဖုို့ .. သုဿန်တဖက်ခြမ်း အပုိုင်စားရတဲ့ သုဘရာဇာ သူတောင်းစားအုို သူကြီးမျိုးရုိုးက သူတုို့သားအတွက် တင်တောင်းလာတဲ့ တောင်းစားလက်နက် ပလတ်စတစ်ခွက် နှစ်လုံးနဲ့ ပေါက်တူး တလက်ကုိုလက်ခံလုို့ မျိုးရုိုးဂုဏ်ကုို မြှင့်တင်စေ ..။ အကယ်၍ ငါစီမံသည်အား လက်မခံ ကလန်ကဆန်လုပ် .. မိဘမျက်နှာအား အုိုးမဲသုတ်ပါက ... ငါပုိုင်ဆုိုင်ရာအား လက်ဖျားဖြင့် စုိုးစဉ်းမျှ ထိခွင့်မရှိ ...။
ငါ့မြေး ... ငါ့တီ .. ငါ့ကျွတ်တုို့ခေတ်မှာ ... ခေတ်မှီလာသည်နှင့်အမျှ ... နုိုင်ငံတကာဝင်ဆံ့လာသည့် တောင်းစားနည်းအဖုံဖုံတုို့အား တီထွင် ကြံဆထုိုးထွင်းကာ မျိုးရုိုးဂုဏ်ကုို မြှင့်တင်ပါ။ ခေတ်မှီလာတဲ့ တောင်းစားနည်းတုို့နှင့်အတူ တောင်းစားလက်နက်တုို့ကုို ခွက်မပါ ခွက်ပျောက်ရုိုက်တဲ့စနစ်သုို့တုိုင် တီထွင်ကြံဆ မျိုးရုိုးဂုဏ်မြှင့်တင်ပါ။ သမီးကြီးသည်လည်း နောင်ဖြစ်လာလတ္တံ့သော မျိုးဆက်သစ်တုို့အား .. ခွက်တလှည့် ...ပေါက်တူးတလှည့်ဖြင့် လုပ်ငန်းတုိုးမြှင့်နုိုင်အောင်ဆောင်ရွက်စီမံ၍ .. မျိုးရုိုးဂုဏ်မြှင့်တင်ပါ။
ငါသေတမ်းစာအား ဖတ်ပြီးသမျှ မလုိုက်နာပါက ... ငါ့ရှေ့နေ သုဘရာဇာအုိုကြီးစီမံသမျှ လုိုက်နာစေ ...။
Comments