နိုင်ငံတော်သမ္မတကြီးကို ကြိုဆိုသော ပုသိမ်မြို့နယ်မှ လယ်သမားများကို
ရဲကဖမ်းဆီး
ဟင်္သာတမီဒီယာ ပေးစာ။ ပုသိမ်၊ ဒီဇင်ဘာ ၂၄၊ ၂၀၁၃
ဧရာဝတီတိုင်းဒေသကြီး ပုသိမ်မြို့ စကားဝါလမ်းထိပ်တွင် ယနေ့
ဒီဇင်ဘာ ၂၄ ရက် နံနက် ၁၀ နာရီခန့်က ကန်ကြီးထောင့်မြို့နယ် ဒါးကကျေးရွာမှ လယ်သမား (၁၀)ဦးခန့်သည်
“ နိုင်ငံတော်သမ္မတကြီးကို လှိုက်လှိုက်လှဲလှဲ ကြိုဆိုပါ၏ ” စာသားပါ ဆိုင်းပုဒ်ကို ကိုင်ဆောင်ကာ
ကိုးသိန်းအားကစားကွင်းတွင် ပြုလုပ်မည့် အခမ်းအနားသို့လာသော နိုင်ငံတော်သမ္မတကြီး၏ ယာဉ်တန်းကိုကြိုဆိုစဉ်
ရဲတပ်ဖွဲ့မှ တားဆီးကာ ဆယ်ဦးထဲမှ နှစ်ဦးကို ဖမ်းဆီးခဲ့ကြောင်း သိရသည်။
အဆိုပါလယ်သမားများသည်
န.တ.ခ တိုင်းမှူး သူရရွှေမန်းလက်ထက်တွင် ဧရာရွှေဝါကုမ္မဏီမှ အဓမ္မသိမ်းယူခြင်းခံထားရသော
ကန်ကြီးထောင့်မြို့နယ် ဒါးကကျေးရွာမှ လယ်သမားများဖြစ်ကြပြီး၊ ဖမ်းဆီးထားသောသူနှစ်ဦးကို
ယနေ့ နေ့လည်ပိုင်းတွင် ခံဝန်ထိုးခိုင်းပြီး ပြန်လွတ်ပေးလိုက်ကြောင်း သိရသည်။