အရှင်စန္ဒိမာ (မွန်စိန်တောရ) နုိုင်ငံရေးကျူးကျော်မှု
နိုဝင်ဘာ ၆၊ ၂၀၁၄
နိုဝင်ဘာ ၆၊ ၂၀၁၄
ဆက်သွယ်ရေးနည်းပညာနဲ့ သတင်းဖလှယ်မှု အဆင်ပြေချောမွေ့ လွယ်ကူလျင်မြန်လာနေတဲ့ ယနေ့ခေတ်မှာ လိမ်ညာယုတ်မာ ရက်စက်မှုတွေကုို ယခင်ကလုို ဖုံးဖိငြင်းဆုိုလုို့ မရနုိုင်တော့ပါဘူး။ ဒါပေမယ့် စစ်အုပ်စုရဲ့ စဉ်းစားတွေးခေါ်ပုံတွေမှာ လိမ်မယ်။ သိသာထင် ရှားတဲ့ ဖြစ်ရပ်တွေကုိုတောင် ဗြောင်ငြင်းမယ်။ လူထုဆန္ဒထုတ်ဖေါ်မှုတွေကို အင်အားသုံးအကြမ်းဖက်နှိပ်နှင်းမယ်။ လူမျိုးရေး ဘာသာရေး ပဋိပက္ခတွေဖန်တီးပြီး လူထုကုို အာရုံပြောင်းလမ်းလွှဲမယ် စတဲ့ ယုတ်မာကောက်ကျင့်တဲ့ နည်းလမ်းတွေဟာ စစ်အာဏာရှင်အဆက်ဆက်ရဲ့ မပြောင်းလဲတဲ့ စဉ်းစားတွေးခေါ်ပုံနဲ့ လက်တွေ့ကျင့်သုံးလာခဲ့တဲ့ နည်းလမ်းဟောင်းတွေပါ။
သမ္မတဦးသိန်းစိန်တက်လာပြီးနောက်ပုိုင်း ပြည်သူတွေ မျှော်လင့်ခဲ့ကြတာက ယခင်စစ်အစုိုးရနဲ့ မတူတဲ့ ရုိုးဖြောင့်မှု စေတနာ မှန်ကန်မှုအပေါ်မှာ အခြေခံတဲ့ နုိုင်ငံရေးနဲ့ စီးပွါးရေးပြုပြင်ပြောင်းလဲမှုတွေကုိုပါ။ ဒါပေမယ့် လက်တွေ့မှာ ယခင်စစ်အစိုးရ အဆက်ဆက် စွဲကုိုင်လာခဲ့တဲ့ စုတ်ပဲ့ဟောင်းနွမ်းတဲ့ မူဝါဒလုပ်နည်းလုပ်ဟန်တွေကနေ သိသာတဲ့ ပြောင်းလဲမှုအရိပ်အယောင်တွေကုို မတွေ့မိသလောက်ပါ။
စစ်အုပ်စုကုို နုိုင်ငံတကာက ဆွဲဆောင်နားချဖြောင်းဖျမှုတွေ၊ သတင်းမီဒီယာရဲ့ ဝေဖန်ထောက်ပြမှုတွေနဲ့ ပြည်သူလူထုရဲ့ စိတ်ရှည် နားလည်ပေးမှုတွေဟာလည်း အချည်းအနှီးလုို ဖြစ်လာနေပါတယ်။ နုိုင်ငံရေးအကျဉ်းသားအများစု လွတ်မြောက်လာတာတွေ၊ ဖုန်းဈေး ကားဈေးတွေကျလာတာတွေကုို မပြောတော့ဘူးလားလုို့ မေးရင် တုိုးတက်မှုတချို့ကုို အသိအမှတ်ပြုပါတယ်။ ဒါပေမယ့် နှစ်ပေါင်း ၅၀ ကျော်ကြာ မှားယွင်းတဲ့ ပေါ်လစီကုို ကျင့်သုံးလာခဲ့ရာကနေ တရားမျှတမှန်ကန်တဲ့ လမ်းကြောင်းကုို လူမှန်နေရာမှန်ဖြစ်တဲ့ ခေါင်းဆောင်မှုနဲ့ စီမံခန့်ခွဲမှုဖြင့်သာ ထိရောက်အလုပ်ဖြစ် အောင်မြင်နုိုင်ပါလိမ့်မယ်။
အစုိုးရ လွှတ်တော်နဲ့ တရားစီရင်ရေး မဏ္ဍိုင်ကြီးသုံးရပ်စလုံးမှာ နားလည်ကျွမ်းကျင်တဲ့ ပညာရှင်တွေကုို နေရာမပေးဘဲ စစ်အရာရှိတွေနဲ့ အရပ်ဝတ်ပြောင်း စစ်အရာရှိဟောင်းတွေကသာ ဆက်လက်လွှမ်းမိုးနေရာယူထားအုံးမယ်ဆုိုရင် မြန်မာနုိုင်ငံမှာ ယခုရှိနေတဲ့ အနေအထားအတုိုင်း ကုိုယ်ကျိုးမျှော်နုိုင်ငံရေးသမားတွေ၊ စီးပွါးရေးအကျိုးမျှော် ခရုိုနီကပ်ဖားတွေနဲ့ အဖားခံ ထိပ်ပုိုင်းစစ်အရာရှိတွေ အစုိုးရအရာရှိတွေပဲ ထားစရာမရှိအောင် မဟားဒရားကြွယ်ဝချမ်းသာ၊ တုိုင်းပြည်နဲ့ ပြည်သူအများစု ဆင်းရဲကြပ်တည်းတဲ့ ဘဝအခြေ အနေတွေဟာ ပြောင်းလဲသွားမှာ မဟုတ်ပါဘူး။
ပါးစပ်က ဒီမုိုကရေစီ လက်တွေ့မှာ ပြည်သူတွေ တောင်သူလယ်သမားတွေ သတင်းမီဒီယာသမားတွေ ကျောင်းသားတွေ နုိုင်ငံရေးလှုပ်ရေးလှုပ်ရှားတက်ကြွသူတွေ လှုပ်မရ။ နဲနဲလှုပ်တာနဲ့ ပုဒ်မ ၁၈၊ ပုိုင်နက်ကျူးကျော်မှုပုဒ်မ၊ အကျိုးဖျက်ဆီးမှုပုဒ်မ၊ နုိုင်ငံတော်အကြည်အညိုပျက်စေမှုပုဒ်မ စတဲ့ မတရားဥပဒေပုဒ်မတွေနဲ့ နှိပ်ကွပ်ဖမ်းဆီးနေမယ်။ ပါးစပ်က ဘုရားဘုရား လက်က ကားရားကားရားလုပ်နေအုံးမယ်ဆုိုရင်တော့ ပြည်သူအများစု အခြေခံအခွင့်အရေးတွေဆုံးရှုံး၊ ဆင်းရဲတွင်းနက်တဲ့ နုိုင်ငံမှာ ရင်ဆုိုင်နေရတဲ့ ပြဿနာပေါင်းသောင်းခြောက်ထောင်ကုို ဖြေရှင်းနုိုင်ရေး လမ်းစ ဝေးနေအုံးမှာပါ။
ဒီပြဿနာတွေရဲ့ ထွက်ပေါက်က မဏ္ဍိုင်ကြီးသုံးရပ်မှာ လူမှန်နေရာမှန်ဖြစ်အောင် လုပ်ဖုို့ပဲ ဖြစ်ပါတယ်။ ဒီထွက်ပေါက်ကုို ပိတ်ပင် ဟန့်တား ထားတာက ၂၀၀၈ အခြေခံဥပဒေဆုိုတာလည်း ပြည်သူအများ နားလည်လက်ခံထားပြီးသားပါ။ အာဏာချုပ်ကုိုင်ထား သူတွေက ဒါကုို လက်မခံဘဲ ခေါင်းမာမာနဲ့ ဆက်လက်တင်းခံနေရင်တော့ တောမီးလောင် တောကြောင်လက်ခမောင်းခတ်၊ ခေတ်ပျက်သူဌေး တွေဖေါင်းပွ၊ ကမ္ဘာမှာ ဘိန်းအပါအဝင် မူးယစ်ဆေးဝါး ဒုတိယအများဆုံးထုတ်လုပ်တဲ့နုိုင်ငံ၊ စစ်အသုံးစရိတ်ကြီးမား၊ ပညာရေးအဆင့် ကျန်းမာရေးအဆင့် နိမ့်သထက်နိမ့်ကျ၊ ပညာရှင်တွေ နုိုင်ငံကုို စွန့်ခွာ၊ အိမ်ဖေါ်တွေတင်ပုို့တဲ့ နုိုင်ငံအဖြစ်မှာ ဆက်လက်တည်တံ့လျှက် ငြိမ်းချမ်းရေးအလား အလာမှေးမှိန်၊ တုိုင်းရင်းသားအခွင့်အရေး၊ နုိုင်ငံသားအခွင့်အရေးတွေကုို အာမခံတဲ့ တန်းတူမျှတ သာယာဖွံ့ဖြိုးတဲ့ ဒီမုိုကရေစီဖယ် ဒရယ်ပြည်ထောင်စု ပေါ်ပေါက်ရေးအလားအလာတွေ မရေမရာဝေဝါးဆိတ်သုဉ်းနေအုံးမှာ မလွဲဧကန်ပါ။
စစ်အာဏာရှင်တွေဟာ ဥပဒေပုဒ်မအမိန့်ကြေငြာစာတွေကုို ထုတ်ချင်တုိုင်းထုတ်ပြီး ကမောက်ကမ မမျှမတတဲ့ အမှုကိစ္စပေါင်းများစွာ ကျူးလွန်ခဲ့ကြတယ်။ သူတုို့လုိုချင်တဲ့ အိမ်ယာမြေယာတွေကုိုလည်း သိမ်းချင်တုိုင်းသိမ်းယူခဲ့ကြတယ်။ ကျူးကျော်ဆုိုပြီး အဖျက်ခံခဲ့ရတဲ့ အိမ်ယာအဆောက်အဦတွေလည်း မနဲတော့ပါဘူး။ ဒါပေမယ့် သူတုို့ကုိုယ်တုိုင် အုပ်ချုပ်ရေး ဥပဒေပြုရေး တရားစီရင်ရေး အာဏာသုံးရပ်ကုို မလျော်မကန် သိမ်းယူခဲ့ကြတာကုိုတော့ နုိုင်ငံရေးကျူးကျော်မှုလုို့ ထင်မှတ်ခဲ့ကြဟန် မတူပါဘူး။ မြန်မာနုိုင်ငံဟာ နုိုင်ငံရေးအရ အကျူးကျော်ခံရတာ ရာစုနှစ်ထက်ဝက်ကျော်လာခဲ့ပါပြီ။
အစကောင်းမှ အနှောင်းသေချာမှာပါ။ ၂၀၀၈ အခြေခံဥပဒေရဲ့အစ ညောင်နှစ်ပင်ညီလာခံမှာကတည်းက အစမကောင်းခဲ့တာပါ။ မကောင်းခဲ့တဲ့ အစကုို ပြင်ဆင်ဖုို့ လုိုအပ်ပါတယ်။ ၂၀၀၈ အခြေခံဥပဒေကုို တရားမျှတမှုကင်းမဲ့တဲ့ ပြင်ဆင်ရေးဘောင်ထဲကနေပဲ ပြင်ဆင်ဖုို့ ပြောနေတာဟာ မကောင်းတဲ့ ပုပ်သုိုးနံဟောင်နေတဲ့ ကုိုယ်ကျိုးအတ္တအတွေးအခေါ်ဟောင်းတွေကုို မစွန့်နုိုင်သေးလုို့ ထွက်လာတဲ့ စကားတွေသာ ဖြစ်ပါတယ်။ အာဏာဆုပ်ကုိုင်ထားသူတွေအနေနဲ့ ကုိုယ်ကျိုးအတ္တ အပုပ်အသုိုး အတွေးအခေါ်ဟောင်းတွေကုို စွန့်လွှတ်ကြပါလုို့ တုိုက်တွန်းနေကြတဲ့ ပြည်သူလူထုရဲ့ သန်းပေါင်းများစွာသော မျက်လုံး စကားလုံး နှလုံးသားတွေကုို မြင်စေချင်ပါတယ်။
အရှင်စန္ဒိမာ (မွန်စိန်တောရ)