အရှင်စန္ဒိမာ (မွန်စိန်တောရ) - လက်ရှိမြန်မာ့နုိုင်ငံရေးကုို ကံနှင့်ဝဋ်ရှုထောင့်မှ သုံးသပ်ခြင်း
(မိုးမခ) နိုဝင်ဘာ ၈၊ ၂၀၁၄
(၁)
…….အုပ်စိုးသူတွေဟာ အတိတ်ကံကောင်းခဲ့လှပြီး ယနေ့ အဖိနှိပ်ခံတွေက အတိတ်ကံမကောင်းကြဘူးဆိုတဲ့ သဘောကို တပည့်တော် လက်မခံနိုင်တာပါဘုရား။ လုပ်ချင်တာလုပ်ခဲ့ပြီး အတိတ်ဝဋ်ကြွေးကြောင့်ပါဆိုပြီး ပုံချနေတာကို ဘဝင်မကျမိတဲ့ကိစ္စပါ။ ဒီစဉ်းစားနည်းက ဖိနှိပ်ခံရသူတွေကို နလံထူနိုင်မယ့် အမြင်နဲ့အတွေးကို ကန့်သတ်ပိတ်ဆို့ထားလို့ ဖြစ်ပါတယ်။
တပည့်တော် ဒီအတွေးရတာ ဗိုလ်သိန်းဆွေ (ထောက်လှမ်းရေး) လွတ်လာတော့ အင်တာဗျူးမှာ သူက သူတို့လုပ်ရပ်ကို အတိတ်ဝဋ်ကြွေးနဲ့ ခုခံကာကွယ်နေလို့ အဲဒီကနေစပြီး စဉ်းစားမိတာက စတာပါဘုရား။
နောက်တစ်ခုက ဘာသာရေးအယူအဆကို မိမိ ပြုလုပ်မှုအတွက် ဒိုင်းသဖွယ်ကာကွယ်နေတဲ့ကိစ္စပေါ့။
ကျောင်းအစ်မကြီး မယ်နုကို ဆရာတော် ဦးဗုဓ်က မိန့်သလိုပေါ့။ …ဟဲ့ မယ်နု သူ့ကြွေးရှိရင် ဆပ်ရလိမ့်မယ် ဆိုတဲ့ စကားလိုပေါ့ဘုရား။
တပည့်တော်ကို ဝဋ်နဲ့ အတိတ်ကံ ဆိုတာသာ ရှင်းလင်းတော်မူပါ။……
(၂)
အထက်ပါ စကားရပ်တွေက ဒကာတစ်ယောက်နဲ့ ဒီရက်ပုိုင်းအတွင်း အွန်လုိုင်းမှတဆင့် စာရုိုက်ဆွေးနွေးဖြစ်ခဲ့တဲ့အထဲမှ သူ့ဆွေးနွေးချက်စကားတချို့ကုို ပြန်လည်ဖေါ်ပြတာ ဖြစ်ပါတယ်။
အရင်ဆုံး ပြောသင့်တာက လူတွေဟာ သူတုို့ရဲ့ အသက်အရွယ် အတွေ့အကြုံ လေ့လာသိမြင်ထားခဲ့မှုတွေ၊ သူတုို့လက်ခံထားတဲ့ အယူဝါဒ ဘာသာတရားယုံကြည်မှုတွေနဲ့ သူတုို့ရဲ့ မိသားစုအသုိုင်းအဝုိုင်း စတဲ့ နောက်ခံအကြောင်းတွေ တဦးနဲ့တဦး ကွဲပြားခြားနားမှုအပေါ် မူတည်ပြီး သူတုို့ရဲ့ အတွေးအမြင် အယူအဆတွေလည်း ကွဲပြားသွားရတယ် ဆုိုတာပါ။ ကမ္ဘာကြီးလုံးတာကုို လက်မခံနုိုင်တဲ့ လူတွေ ရှိနေသေးသလုိုပေါ့။
မကြာခင်က ဟုိုးလေးတကျော်ဖြစ်ခဲ့တဲ့ ဓမ္မစေတီခေါင်းလောင်းကြီးကုို ဆယ်ယူဖုို့ ကြိုးပမ်းခဲ့တဲ့ ကိစ္စဆုိုရင် လူတွေရဲ့ ကျိုးကြောင်းဆီလျှော်မှုနဲ့ ခွဲခြမ်းစိစစ်နုိုင်မှုစွမ်းရည် ဉာဏ်ပညာရေချိန်ကုို အကဲစမ်းခွင့်ရခဲ့တဲ့ ဖြစ်ရပ်လုို့လည်း ပြောနုိုင်မယ်ထင်ပါတယ်။
ယခု ကုိုပါကြီးအလောင်းကုို ရန်ကုန်သယ်ယူဖုို့လုပ်တော့ သံဃာ ၈ ပါးလောက်က မွန်အယူဓလေ့အရ အရပ်ဒေသကုို ထိခုိုက်နစ်နာစေတာကြောင့် သယ်ယူခွင့် မပြုနုိုင်ဘူးဆုိုပြီး ခြိမ်းခြောက်တားမြစ်မှုတွေ လုပ်ပါသတဲ့။ လူသားမဆန်လောက်အောင် ညှင်းဆဲနှိပ်စက် အသေသတ်ပြီးကာမှ ရုပ်အလောင်းကုို ကောင်းမွန်စွာ သဂြိုင်္ဟ်ခွင့်မရအောင် နှောက်ယှက်သူတွေ ရှိနေသေးတာကုို သိရတော့ အတော်လေး အံ့သြသွားမိပါတယ်။ ထူးဆန်းတာက နှောက်ယှက်သူတွေဟာ သံဃာတွေဖြစ်နေတာပါ။ သံဃာတွေဖြစ်နေသော်လည်း မေတ္တာတရားခေါင်းပါး ကုိုယ်ချင်းစာနာစိတ် နဲလှချည့်လားလုို့ အများအထင်အမြင်သေးစရာ ဗုဒ္ဓသာသနာတော်အတွက်လည်း ဂုဏ်သိက္ခာညှိးနွမ်းစရာတွေပါ။ သူတုို့ဟာ ရဟန်းသံဃာအစစ်တွေ ဟုတ်မှဟုတ်ပါလေစ။ တဦးတယောက် အဖွဲ့အစည်းတခုခုက စေခုိုင်းလွှတ်လုိုက်တာများလား။ သံသယဝင်စရာပါ။ ဗုဒ္ဓတရားတော်အရ ဥတုဇရုပ်သာဖြစ်တဲ့ အသတ်မဲ့ အဝိညာဏက ရုပ်အလောင်းဆုိုမှဖြင့် ဘာကုိုမျှ ထိခုိုက်နစ်နာအောင် မလုပ်နုိုင်တော့ပါဘူး။
(၃)
ကံအကြောင်းကုို နားလည်ဖုို့ဆုိုရင် အချိန်ယူ လေ့လာမှုများစွာ လုပ်ဖုို့ လုိုအပ်တာအမှန်ပါ။ ယခု ဆောင်းပါးမှာ ဆွေးနွေးချက်လောက်နဲ့ အလုံးစုံ ရှင်းလင်းသွားလိမ့်မှာ မဟုတ်တာ သေချာပါတယ်။ စာရေးသူကုိုယ်တုိုင် ပိဋကတ်ကျွမ်းကျင်သူ မဟုတ်တာလည်း တကြောင်းပါ။
လူတဦးချင်းစီမှာ တရံမလပ် ဖြစ်ပေါ်မှု ချုပ်ပျက်မှု (ဥဒယ ဝယ) စိတ်အစဉ်အတန်း (စိတ္တဝီထိ) ဆုိုတာရှိပါတယ်။ လက်ရှိဘဝ စိတ်အစဉ်အတန်းရဲ့ အစက ပဋိသန္ဓေစိတ်ဖြစ်ပြီး နောက်ဆုံးစိတ်က စုတိစိတ်ဖြစ်ပါတယ်။ စုတိစိတ်ချုပ်ပြီးတာနဲ့ နောက်ထပ်ဘဝသစ်ရဲ့ အစ ပဋိသန္ဓေစိတ်ဖြစ်ပြန်ပါတယ်။ ဤနည်းအားဖြင့် ဘဝတွေ တခုပြီးတခု ပြောင်းသွားပေမယ့် စိတ်အစဉ်အတန်းကတော့ တခုတည်းပါ။ စိတ်အစဉ်အတန်း တခုတည်းဆုိုသော်လည်း မပြောင်းမလဲ တပုံစံတည်း ဖြစ်တည်နေတဲ့ အစဉ်အတန်းတော့ မဟုတ်ပါဘူး။ ဖြစ်ပေါ်မှု ချုပ်ပျက်မှု စဉ်ဆက်မပျက်ရှိနေပေမယ့် ချုပ်ပျက်တော့မယ့် စိတ်ဟာ အသစ်ဖြစ်ပေါ်လာမယ့် စိတ်ကုို အထောက်အပံ့ကျေးဇူးပြုပြီးမှ ချုပ်ပျက်သွားပါတယ်။ စသည်ဖြင့် စိတ်အမျိုးမျိုး တရံမလပ် ဖြစ်ပေါ်ချုပ်ပျက်လျှက် အပြန်အလှန် ကျေးဇူးပြုနေကြပုံ သဘောတရားတွေကုို ပဌာန်းတရား ၂၄ ပါးက ရှင်းပြပါတယ်။
စိတ်အစဉ်အတန်းမှာ ကောင်းမွန်တဲ့ စိတ်သဘာဝတွေရော ယုတ်ညံ့တဲ့ စိတ်သဘာဝတွေကုိုပါ စဉ်ဆက်မပျက် သုိုမှီးသိမ်းဆည်းသွားပါတယ်။ ကောင်းမွန်တဲ့ စိတ်သဘာဝ များပြားစွာ သုိုမှီးသိမ်းဆည်းထားတဲ့ စိတ်အစဉ်အတန်းမှာ လူကောင်းတယောက်အဖြစ် တွေ့မြင်ရမှာဖြစ်ပြီး ယုတ်ညံ့တဲ့ စိတ်သဘာဝ များပြားစွာ သုိုမှီးသိမ်းဆည်းထားတဲ့ စိတ်အစဉ်အတန်းမှာ လူဆုိုးလူမုိုက်လူယုတ်မာတယောက်အဖြစ် တွေ့မြင်ရမှာ ဖြစ်ပါတယ်။
ဤနည်းအားဖြင့် သမ္မာသမ္ဗုဒ္ဓ ပစ္စေကဗုဒ္ဓလောင်းလျာများ၊ အဂ္ဂသာဝကလောင်းလျာများ၊ မဟာသာဝကလောင်းလျာများဟာ ဘဝပေါင်းမရေမတွက်နုိုင်လောက်အောင် ကောင်းတဲ့ စိတ်အရည်အသွေးတွေကုို စိတ်အစဉ်အတန်းမှာ စုဆောင်းသိမ်းဆည်းလာခဲ့ရာက သမ္မာသမ္ဗုဒ္ဓဖြစ်နုိုင်လောက်တဲ့ စိတ်အရည်အသွေးတွေ ပြည့်ဝသွားတဲ့အခါမှာ သမ္မာသမ္ဗုဒ္ဓ္ဓဘုရားအဖြစ်ကုို ရောက်တော်မူခဲ့တာ ဖြစ်ပါတယ်။ ပစ္စေကဗုဒ္ဓလောင်းလျာများလည်း အလားတူပါ။
အဂ္ဂသာဝက မဟာသာဝကလောင်းလျာများဟာလည်း ဘဝပေါင်းများစွာ ကောင်းမွန်တဲ့ စိတ်အရည်အသွေးတွေကုို စိတ်အစဉ်အတန်းမှာ ထည့်သွင်းစုဆောင်းလာခဲ့ရာက နောက်ဆုံး အဂ္ဂသာဝက ဖြစ်နုိုင်လောက်တဲ့ စိတ်အရည်အသွေးတွေ ပြည့်ဝသွားတဲ့အခါမှာ ရှင်သာရိပုတ္တရာ ရှင်မဟာမောဂ္ဂလာန်တုို့လုို အဂ္ဂသာဝကကြီးတွေ ဖြစ်လာခဲ့ပြီး မဟာသာဝကဖြစ်နုိုင်လောက်တဲ့ စိတ်အရည်အသွေးတွေ ပြည့်ဝသွားတဲ့အခါမှာ ရှင်မဟာကဿပ ရှင်အာနန္ဒာတုို့လုို မဟာသာဝကကြီးတွေ ဖြစ်လာပါတယ်။
ကောင်းတဲ့ စိတ်အရည်အသွေးတွေကုို စိတ်အစဉ်အတန်းမှာ ထည့်သွင်းသိမ်းဆည်းတယ်ဆုိုတာက ပါရမီဖြည့်တဲ့ သဘောကုို ဆုိုလုိုတာပဲ ဖြစ်ပါတယ်။ မျက်မှောက်ခေတ်ကမ္ဘာမှာ လူအများ ကြည်ညိုလေးစားချစ်ခင်မှုကုို ခံကြရသူတွေ၊ ဉာဏ်ပညာကြီးမား စိတ်ထားပြည့်ဝသူတွေနဲ့လည်း ပါရမီသဘောကုို ချိန်ထုိုးစဉ်းစားနုိုင်မယ် ထင်ပါတယ်။
(၄)
…….အုပ်စိုးသူတွေဟာ အတိတ်ကံကောင်းခဲ့လှပြီး ယနေ့ အဖိနှိပ်ခံတွေက အတိတ်ကံမကောင်းကြဘူးဆိုတဲ့ သဘောကို တပည့်တော် လက်မခံနိုင်တာပါ ဆုိုတဲ့ စကားကုို ဆွေးနွေးရမယ်ဆုိုရင် -အတိတ်ကုသုိုလ်ကံကြောင့် ယခုဘဝ ကောင်းတာတွေကုို ရရှိခံစားရတယ်ဆုိုတာ မှန်သော်လည်း အတိတ်ကံတခုတည်းကြောင့်တော့ မဟုတ်ပါ။ အတိတ်ကုသုိုလ်ကံအကျိုးပေးနုိုင်ဖုို့အတွက် ပစ္စုပ္ဗန်မှာ ဉာဏ်ဝီရိယစုိုက်ထုတ် လုပ်ကုိုင်မှုတွေ လုိုအပ်ပါတယ်။
ဉာဏ်ဝီရိယစုိုက်ထုတ်ဆုိုရာမှာ လိမ်လည်လှည့်ပတ် ခုိုးဝှက်လုယတ် သတ်ဖြတ်မှု စသည်မှ ရှောင်ကြဉ်ပြီး မိမိသူတပါးနှစ်ဦးသားကုို အကျိုးကျေးဇူးဖြစ်ထွန်းစေတဲ့ သမ္မာအာဇီဝ သမ္မာဝါယာမတွေလား။ လိမ်လည်လှည့်ပတ် ခုိုးဝှက်လုယတ် သတ်ဖြတ်မှု စသည့် မိမိသူတပါးနှစ်ဦးသားရဲ့ အကျိုးစီးပွါးကုို ဆုတ်ယုတ်ပျက်စီးစေမယ့် အပြစ်ရှိတဲ့ မိစ္ဆာအာဇီဝ မိစ္ဆာဝါယာမတွေလား ဆုိုတဲ့ မေးခွန်းတွေ ရှိလာပါတယ်။ ဥပမာ ဘိန်းဘုရင်တွေ ဘီလျှံနာဖြစ်နေကြသလုိုပါ။
အတိတ်ကုသုိုလ်ကံ အကျိုးပေးခွင့်သာအောင် ပစ္စုပ္ဗန်အကုသုိုလ်ကံတွေက ထောက်ပံ့ပေးတတ်တဲ့ သဘောတွေလည်း ရှိနေတာ ဖြစ်ပါတယ်။ သူတပါးမျက်ရည်ကျပြီးမှ ဥစ္စာတုိုးပွါးကြီးပွါးချမ်းသာနေကြသူများ စဉ်းစားဆင်ခြင်သင့်လှပါတယ်။
အဓမ္မဝါဒီတွေရဲ့ မိစ္ဆာဝါယာမနဲ့ အထက်စီးမှ အနုိုင်ကျင့်စော်ကား ခေါင်းပုံဖြတ်မှုတွေကုို အရှုံးပေးခေါင်းငုံ့ခံမလား။ တွန်းလှန်ဖယ်ရှားမလား ဆုိုတာကတော့ ပုဂ္ဂိုလ်တဦးချင်းရဲ့ ကုိုယ်ပုိုင်ရွေးချယ်မှုသာ ဖြစ်ပါတယ်။ မတရားမှုကုို အရှုံးပေးခေါင်းငုံ့ခံဖုို့ ဘယ်ပညာရှိကမှ သင်ပြထားတာ မရှိပါဘူး။ အခွင့်အခါကုို သိပြီး မတရားမှုကုို ဆန့်ကျင်တွန်းလှန်ဖယ်ရှားလျှက် လောကငြိမ်းချမ်းကြီးပွါးကြောင်း ညီညွတ်မျှတကြောင်း တရားများကုိုသာ ပညာရှိတွေက ညွှန်ကြားဆုံးမထားပါတယ်။
မင်းကျင့်တရားဆယ်ပါး၊ မဆုတ်ယုတ်ကြောင်း အပရိဟာနိယတရား ၇ ပါး စတဲ့ ညွှန်ကြားချက်သြဝါဒတွေဟာ အထင်အရှားပါ။ လက်ရှိနုိုင်ငံအုပ်ချုပ်နေကြသူတွေရဲ့ မူဝါဒလမ်းစဉ်နဲ့ လက်တွေ့ပြုမူလုပ်ကုိုင်နေတာတွေကုို မင်းကျင့်တရားဆယ်ပါး၊ အပရိဟာနိယတရား ၇ ပါးဆုိုတဲ့ စံတွေနဲ့ တုိုင်းတာလုိုက်ရင် အလွဲကြီးလွဲနေတာကုို တွေ့နုိုင်ပါတယ်။
(၅)
ဝဋ်နဲ့ အတိတ်ကံအကြောင်းကုို ဆွေးနွေးရမယ်ဆုိုရင် -
ဝဋ်ဆုိုတာ လည်ပတ်တယ်လုို့ အဓိပ္ဗါယ်ရပါတယ်။ အကျိုးတရားတုိုင်းမှာ အကြောင်းတရားရှိပါတယ်။ အကြောင်းတရားတွေပြုလုပ်နေသမျှ အကျိုးတရားတွေ ထပ်မံပေါ်ပေါက်နေအုံးမှာပါ။ အကြောင်းအကျုိုးမပြတ် ဖြစ်ပေါ်လည်ပတ်နေတဲ့သဘောကုို ဝဋ်လုို့ ခေါ်ပါတယ်။ ကိလေသဝဋ် ကမ္မဝဋ် ဝိပါကဝဋ် ဆုိုပြီး ဝဋ်ကုို သုံးမျိုးခွဲခြားထားပါတယ်။
အဝိဇ္ဇာအမှောင်ဖုံးထားလုို့ တွယ်တာစွဲလမ်းမှု တဏှာဥပါဒါန်ဖြစ်ရတာပါ။ အဝိဇ္ဇာတဏှာဥပါဒါန်သုံးပါးကုို ကိလေသဝဋ်လုို့ ခေါ်ပါတယ်။ ကိလေသဝဋ်ကြောင့် ကောင်းတာကုို လုပ်တတ်သလုို မကောင်းတာကုိုလည်း လုပ်တတ်ပါတယ်။ ကောင်းတာရော မကောင်းတာရော ပြုလုပ်မှုမှန်သမျှကုို ကမ္မဝဋ်လုို့ ခေါ်ပါတယ်။
ကုသုိုလ်ကမ္မဝဋ်ကြောင့် ကောင်းတဲ့အကျိုးပေးမှုတွေနဲ့ အကုသုိုလ်ကမ္မဝဋ်ကြောင့် မကောင်းတဲ့ အကျိုးပေးမှုတွေ ရှိလာရပါတယ်။ အကျိုးပေးမှုကုို ဝိပါကဝဋ်လုို့ ခေါ်ပါတယ်။ ဝဋ်သုံးပါးရှိနေသရွေ့ ဘဝတွေရနေပါအုံးမယ်။ ကောင်းတဲ့ဘဝ ရမလား မကောင်းတဲ့ဘဝ ရမလားဆုိုတာကတော့ မိမိကုိုယ်တုိုင်ပြုလုပ်ခဲ့ ပြုလုပ်ဆဲ ကမ္မဝဋ်အပေါ်မှာ မူတည်ပါတယ်။
(၆)
ချုပ်လုိုက်ရင်တော့ ဗုဒ္ဓက မိစ္ဆာဒိဌိ မိစ္ဆာသင်္ကပ္ဗ မိစ္ဆာကမ္မ န္တ မိစ္ဆာဝါစာ မိစ္ဆာအာဇီဝ မိစ္ဆာဝါယာမ စသည်ဖြင့် မှားယွင်းတဲ့ အယူ အတွေး အလုပ် အပြော အသက်မွေးမှု အားထုတ်မှုတွေကုို ရှောင်ကြဉ်စေပြီး သမ္မာဒိဌိ သမ္မာသင်္ကပ္ဗ သမ္မာကမ္မ န္တ သမ္မာဝါစာ သမ္မာအာဇီဝ သမ္မာဝါယာမ စသည်ဖြင် မှန်ကန်တဲ့ အယူ အတွေး အလုပ် အပြော အသက်မွေးမှု အားထုတ်မှုတွေကုို လိုက်နာကျင့်သုံးစေပါတယ်။
ဒါကြောင့် အာဏာရှိသူတွေနဲ့ သူတုို့ရဲ့ အပေါင်းအပါ လက်တဆုတ်စာလူတစုအနေဖြင့် မတရား ရရှိထားကြတဲ့ ဥစ္စာစည်းစိမ်တွေအတွက် အတိတ်ကုသုိုလ်ကံရဲ့ အကျိုးပေးတွေပါဆုိုပြီး တလွဲဂုဏ်ဖေါ် ဘဝင်မြင့်မာန်ထောင်နေကြတာကတော့ အသိဉာဏ်နဲ အရှက်သိက္ခာကင်းမဲ့တဲ့ ကိစ္စသာ ဖြစ်ပါတယ်။
အဓမ္မဝါဒီ အာဏာရူးတွေရဲ့ အဖိနှိပ်ခံ အနုိုင်ကျင့်ခံ အစော်ကားခံ အညှင်းဆဲခံ အသတ်ဖြတ်ခံနေကြရတဲ့ ပြည်သူတွေအနေနဲ့ အတိတ်အကုသုိုလ်ကံရဲ့ အကျိုးပေးမှုကြောင့် ဆင်းရဲဒုက္ခခံစားနေကြရတာပဲလုို့ ဝမ်းနည်းပူဆွေး စိတ်ပျက်အားလျှော့ အညံ့ခံအရှုံးပေးရန်လည်း မသင့်ပါ။
အကြောင်းသင့်အခွင့်သာ ရာသီဥတုသာယာခုိုက်မုို့ မတရားမှုစက်ကွင်းမှ လွတ်ကင်းနေကြသေးလုို့ အထုိုက်အလျှောက် သက်သောင့်သက်သာ နေထုိုင်လုပ်ကုိုင်စားသောက်နုိုင်ခွင့် ရရှိနေကြတဲ့ ပြည်သူများအနေဖြင့် မတရားမှုတွေကို လက်ပုိုက်ကြည့်မနေကြဘဲ တရားတဲ့ဖက်မှ ရပ်တည် အားနဲသူတွေကုို စိတ်ဓါတ်ခွန်အားသာမက စွမ်းနုိုင်သမျှ လက်တွေ့ကူညီပံ့ပုိုးလျှက် မတရားမှုတွေကုို ရနုိုင်သမျှနည်းလမ်းပေါင်းစုံဖြင့် ဆန့်ကျင်တွန်းလှန်ဖယ်ရှားကြခြင်းသည်သာ ဗုဒ္ဓလမ်းစဉ်နဲ့ အမှန်တကယ်ကုိုက်ညီပြီး ဓမ္မဝါဒလွှမ်းခြုံလျှက် တရားမျှတငြိမ်းချမ်းသာယာတဲ့ နုိုင်ငံကုို တည်ဆောက်နုိုင်မှာ မုချဧကန် အမှန်ပင် ဖြစ်ပါတယ်။
(ဤဆောင်းပါးကုို ရေးဖြစ်အောင် အားပေးတုိုက်တွန်းသူ Facebook မိတ်ဆွေလည်းဖြစ် ဓမ္မမိတ်ဆွေလည်းဖြစ်တဲ့ (Kyaw Maw) ဒကာကျော်မော်ကုို အထူးကျေးဇူးတင်ပါတယ်။ မိမိရေးခဲ့သမျှ ဆောင်းပါးများနဲ့ ပတ်သက်ပြီး moncandima@gmail.com မှတဆင့်လည်း ဝေဖန်အကြံပြုနုိုင်ပါတယ်။)
အရှင်စန္ဒိမာ (မွန်စိန်တောရ)