အလိမ်ခံခဲ့ရတဲ့ K – Pop Live Show ပွဲ အောင်မြင်စွာကျင်းပနိုင်ခဲ့

ရန်နောင် (ဗိုလ်တထောင်) မိုးမခ ဇွန် ၁၇ - ၂၁၀၅

Tiger Fate နှင့် မြန်မာနိုင်ငံဆိုင်ရာကိုရီးယားအဖွဲ့ချုပ်မှ ၂၀၁၅ ၏ ခမ်းနားကြီးကျယ်ဆုံး K- Pop Live Show ပွဲကြီးအား ရန်ကုန်မြို့ ရှင်စောပုလမ်းရှိ MEP တွင် ၁၆-၆-၂၀၁၅ (အင်္ဂါနေ့) ညနေ ၆နာရီခွဲ ၌ ကျင်းပပြုလုပ်ခဲ့သည်။

အဆိုပါဖျော်ဖြေပွဲတွင် ကိုရီးယားနိုင်ငံမှ အဆိုတော်များဖြစ်သော BTS၊ Ailee ၊ N-sonic ၊ A.KOR ၊ HALO အဖွဲ့များက ဖျော်ဖြေခဲ့ကြသည်။ ကိုရီးယားထိပ်တန်းယဉ်ကျေးမှုကုမ္ပဏီ ဖြစ်သော Tiger Fate မှ မြန်မာနိုင်ငံဆိုင်ရာ ကိုရီးယားလူမျိုးများ အဖွဲ့အစည်း နှင့်ပူးပေါင်း၍ တစ်နှစ်တာအတွင်း အကြီးကျယ်အခမ်းနားဆုံးအဖြစ်တင်ဆက်ခဲ့ခြင်းဖြစ်သည်။

ကိုရီးယား -မြန်မာ နှစ်နိုင်ငံသံတမန်ဆက်ဆံရေး အနှစ်(၄၀) ပြည့် အထိမ်းအမှတ်အဖြစ် ဖျော်ဖြေရန်စီစဉ်ထားသော ထိုပွဲတွင် မူလပထမ စီစဉ်သူ HanBaek ITC Company သည် Tiger Fate နှင့်လက်တွဲပြီး စတင်စီစဉ်ခဲ့သော်လည်း HanBeak မှ ငွေကြေးများ လိမ်လည်ကာ ထွက်သွားခဲ့သောကြောင့် ပွဲဖြစ်မြောက်ရန်မှာ လက်လျှော့ရမည့်အနေအထားသို့ပင် ရောက်ခဲ့ရသည်။

သို့သော်လည်း များပြားလှသော K-Pop ချစ်သူ မြန်မာပရိသတ်အား ကမ္ဘာတဝှမ်း အောင်မြင်ကျော်ကြားနေသော K-Pop တေးဂီတ ကို ခံစားအားပေးနိုင်မည့် အခွင့်အရေးကို လက်မလွတ်စေချင်သည့်အပြင် ပွဲလက်မှတ်ကို ဝယ်ယူပြီးသားဖြစ်သော အမာခံ ချစ်ပရိတ်သတ်များရဲ့ မျှော်လင့်ချက်ကို မပျက်စီးစေချင်သည့်အတွက် မြန်မာနိုင်ငံရောက် ကိုရီးယား လူမျိုးများ အဖွဲ့အစည်းမှ ပွဲစီစဉ်ခြင်းတာဝန်ကို လက်လွှဲယူကာ Tiger Fate နှင့်အတူ ဆက်လက်ဆောင်ရွက်ခဲ့ခြင်းဖြင့် ပွဲဖြစ်မြောက်လာခဲ့ပါတယ်။ပရိတ်သတ်အများအပြားလာရောက်ကြည့်ရှု အားပေးနိုင်ရန်အတွက် လက်မှတ်ဈေးနှုန်းများကိုလည်း တစောင်ဝယ် တစောင် လက်ဆောင်ပေး စနစ်ဖြင့်ရောင်းချခဲ့ပါတယ် ဟု မြန်မာနိုင်ငံရောက် ကိုရီးယားလူမျိုးများ အဖွဲ့အစည်း ဥက္ကဋ္ဌ မစ္စတာအီဂျောင်အူ နှင့် Tiger Fate Company ဥက္ကဋ္ဌ မစ္စတာ ဂျင်ဘောင်မို (မြန်မာအမည် -ကိုဇော်မင်း ) တို့ မှ ပွဲမစခင် ပြုလုပ်သောစာနယ်ဇင်းရှင်းလင်းပွဲတွင် ပြောကြားခဲ့သည်။

Tiger Fate သည် Fate International Company အမည်ဖြင့် မြန်မာနိုင်ငံတွင်လွန်ခဲ့သော ၁၂ နှစ်ခန့်ကတည်းက လုပ်ငန်းစတင်လည်ပတ်ခဲ့သည်။ ၎င်းမှ K- Pop အကအား နှစ်သက်မြတ်နိုးသူ မြန်မာပရိတ်သတ်များအတွက် စတူဒီယိုတခုဖွင့်လှစ်ပေးသွားမည်ဖြစ်သည်။၎င်းတို့အနေဖြင့် နိုင်ငံတကာပွဲများနှင့် ဖော်ျဖြေပွဲများအား ပူးပေါင်းစီစဉ်ရာတွင် အထောက်အကူဖြစ်စေရန် တောင်ကိုရီးယား နည်းပညာများကို မြန်မာနိုင်ငံသို့ ယူဆောင်ပေးမည်ဖြစ်ကြောင်း လည်းထပ်မံသိရှိရသည်။

အဆိုပါ ဖျော်ဖြေပွဲသို့ မြန်မာပရိသတ် လူငယ်မိန်းကလေးများ အထူးလာရောက်အားပေးသည်ကိုလည်းတွေ့ခဲ့ရသည်။ လက်မှတ်ဝင်ကြေးများမှာ နှစ်သိန်း၊ တစ်သိန်း၊ ငါးသောင်းကျပ် ဖြစ်ပြီး တစောင်ဝယ်လျှင် တစောင်လက်ဆောင်ပေးသောကြောင့် ဆယ်ကျော်သက် K-Pop ချစ်သူများ အကြိုက်အားပေးနိုင်ခဲ့သည်။