MMC ရဲ့ ပြည်တွင်းထုတ်
ကားများအတွက် စက်ရုံအကြိုဖွင့်ပွဲ ပြုလုပ်
ရန်နောင်(ဗိုလ်တထောင်) မိုးမခ စက်တင်ဘာ ၅ - ၂၀၁၅
Myanmar Motor Corporation Public
Co.,Ltd ၏ MAN ဂျာမန်နည်းပညာသုံး ကားစက်ရုံ
အကြိုဖွင့်ပွဲကို ရန်ကုန်မြို့ မြောက်ဥက္ကလာမြို့နယ် မက္ခရာမင်းကြီးလမ်း ၊ ရွှေပေါက်ကံ
စက်မှုဇုံ(၁၈) တွင် စက်တင်ဘာလ ၅ ရက်နေ့၌ ဖွင့်လှစ်ခဲ့သည်။
အဆိုပါ စက်ရုံသစ်ကို ရန်ကုန်မြို့တော်ဝန်
ဦးလှမြင့်နှင့် အစိုးရအဖွဲ့ တာဝန်ရှိသူများက ဖဲကြိုးဖြတ်ကာ ဖွင့်လှစ်ပေးခဲ့သည်။
ကုန်တင်ယာဉ်များ၊အမှိုက်သိမ်းယာဉ်များ၊သူနာတင်ကားများ၊
ခရီးသည်တင်အဆင့်မြင့်ကားများ ကို အဓိက ထုတ်လုပ်ပြီး ပြည်တွင်းပြည်ပ ဖြန့်ဖြူးသွားမည်ဟုလည်း
မန်နေဂျင်းဒါရိုက်တာ ဦးသိန်းသန်းအောင်မှ ပြောကြားခဲ့သည်။
ယခုလက်ရှိတွင်ခရီးသည်တင် အဆင့်မြင့်ကားများကို
ကုန်းလမ်းပို့ဆောင်ရေးမှ ဝယ်ယူပြီး ရန်ကုန်-နေပြည်တော် ခရီးစဉ်ကို တစ်ဦးလျှင် လေးထောင်ကျပ်ဖြင့်
ပြေးဆွဲနေသည်ဟုလည်း သိရသည်။
“ ကျနော်တို့ ကားတွေကို မိုင်ပိုမမောင်းနိုင်အောင်
လုပ်ထားတဲ့အတွက် ယာဉ်အန္တရာယ်ထိခိုက်မှုကို လည်း လျော့ပါးအောင် ပြုလုပ်ထားပါတယ်။ကားအတွင်းမှာ
မီးအလွယ်တကူ မလောင်နိုင်တဲ့ သတ္တုတမျိုးကိုလည်း ကြမ်းခင်းမှာ အသုံးပြုထားပါတယ် ” ဟုလည်း
ဦးသိန်းသန်းအောင်မှ ထပ်မံပြောပြခဲ့သည်။