လင်းမိုးစွေ ● အသံညစ်ညမ်းမှု



လင်းမိုးစွေ ● အသံညစ်ညမ်းမှု
(မိုးမခ) သြဂတ်စ် ၅၊ ၂၀၁၆

ပန်းချီကားထဲက အော်သံ
စကားလုံးတွေအဖြစ်...၊
ရွတ်ဖတ်ဖို့ မလိုတော့ဘူး
စာရွက်ပေါ်ငယ်သံပါအောင် အော်နေတယ်။

စည်းက ချိုးလို့ရတယ်
စည်းကျိုးလို့မရဘူး
သီချင်းက နားမှာ နားနေပြီ။

နားစောင့်ကောင်းတယ်ဆိုတာ
အကြားက အသံထက်မြန်နေလို့
အသံရှိရာသွားနေတာပါ။

မမြင်ချင်ယောင် ဆောင်လို့ရတယ်
မကြားချင်အောင် ဆောင်လို့မရဘူး
စောင်းပြောနေသလိုစကားတွေက
နားထဲအတည့်ဝင်လာတယ်။

နားထဲ ဝင်သွားတဲ့အသံ
နားထဲက ပြန်မထွက်တော့ဘူး။

ဒေါသက မိုးသားတွေလို
အလိပ်လိုက်တက်လာလို့ စည်းကျိုးပြီ။

အသံကြောင့် ဖားသေသလို
ဖားကြောင့်လည်း အသံသေပါစေ။

လင်းမိုးစွေ
၂၈.၇.၂၀၁၆