လင္းခါး ● ဓာတ္ပံုထဲက ေက်ာကုန္းေတြဟာ ပိုင္ရွင္မဲ့

 
လင္းခါး ● ဓာတ္ပံုထဲက ေက်ာကုန္းေတြဟာ ပိုင္ရွင္မဲ့
(မုိးမခ) ႏုိဝင္ဘာ ၁၄၊ ၂၀၁၆

မလံုျခံဳ မျပည့္ဝတဲ့ လူ႔ဘဝရယ္လို႔ ရလာရင္
ေသာကမ်ားရတဲ့ ေက်ာကုန္းတခုေတာ့ ရလာမွာပဲ
သင့္ေက်ာကုန္းဟာ ဘယ္လိုေက်ာကုန္းလဲ

တိုက္အျမင့္ႀကီးေပၚကေန ေရထဲ
ေက်ာကုန္းႀကီး ျပဳတ္က်လာ
ေရဒီကယ္ စပ္ဖ်င္းဖ်င္း ေက်ာကုန္းမ်ား၊
အမ်ားဆႏၵအရ ေက်ာကုန္းႀကီးဟာ
ေလေပၚ ငွက္ေမႊးတမွ် လြင့္ပါသြား
အၿမဲမွီတြယ္လ်က္ ဆိုရွယ္ဒီမိုကရက္ ေက်ာကုန္းေတြ၊
ပုဂၢလ လစ္ဘရယ္ေက်ာကုန္းေတြ၊
လမ္းေပၚ ေက်ာေျပာင္ေတြနဲ႔
အရာအားလံုးရဲ႕ေက်ာခိုင္းျခင္းကိုခံရတဲ့
ေက်းေတာ္ ကြၽန္ေတာ္မ်ဳိး ေက်ာကုန္းေတြ
ေက်ာေကာ့ေအာင္ ခံေနၾကရ၊

ဆဲဗင္းဇူလိုင္ ေက်ာေပါက္ႀကီးေတြဟာ
ဒီမိုကေရစီေက်ာကုန္းေတြကို ေငးေန
ကမ္းေျခမွာ ေက်ာကုန္းငယ္ေလးတခု
လူ႔ဘဝက ထြက္သြားၿပီ
တိတ္တဆိတ္ ေက်ာခ်သြား ေျမႀကီးထဲက
ေက်ာကုန္းမ်ား
ပါလက္စတိုင္း ကာတြန္းဆရာရဲ႕ ေက်ာကုန္းဟာ အၿမဲဲ
ေပါက္ကဲြမႈေတြ ေရွ႕မွာ၊
က်ည္ဆံဗရပြနဲ႔ ေက်ာကုန္းေတြေနာက္မွာ
ေက်ာ႐ိုးမပါတဲ့ ေက်ာကုန္းေတြ
တခ်ဳိ႕ေက်ာကုန္းေတြဟာ ႀကိမ္ဒဏ္ခံရၿပီး
တခ်ဳိ႕ေက်ာကုန္းေတြက ေမြ႔ရာေပၚမွာ

ေက်ာကုန္း မညီမွ်မႈဟာ
ေက်ာကုန္းေတြကို ေတာ္လွန္ေရးထဲ တြန္းပို႔
ေက်ာကုန္းေတြဟာ ေတာ္လွန္ေရးထဲ ဝင္မိရင္
ဘယ္ေတာ့မွ ေက်ာခိုင္းေတာ့မယ္ မဟုတ္ဘူး

ေပ်ာ္႐ႊင္ေနရခ်ိန္မွာေတာ့ လူတိုင္း
ကိုယ့္ေက်ာကုန္းကို ေမ့ေနၾကမွာပဲ
သင့္ေက်ာကုန္းေရာ မာရဲ႕လား သာရဲ႕လား။

လင္းခါး
၂၀၁၆