လှကျော်ဇော ● ဆရာဦးကိုနီကို ဘယ်သူသတ်သလဲ ....
(မိုးမခ) ဇန်နဝါရီ ၃၀၊ ၂၀၁၇
(မိုးမခ) ဇန်နဝါရီ ၃၀၊ ၂၀၁၇
ကျွန်မ ဦးကိုနီကို လူပုဂ္ဂိုလ်အရ မသိပါ။ လွတ်လပ်တဲ့အာရှအသံက ကိုခင်မောင်စိုးစီစဉ်တဲ့ တနင်္ဂနွေစကားဝိုင်းတခုမှာ ဖုန်း ပေါ်မှာ ဆုံဖူးပါတယ်။ ကျွန်မက သူရဲ့ ဥပဒေရေးရာများအပေါ် မိမိကိုယ်တိုင် ကျွမ်းကျင်ရုံမက တခြားလူများနားလည်သ ဘောပေါက်အောင်ရှင်းလင်းပြောဆိုနိုင်မှုများအပေါ် အတော်လေးစားနေတာပါ။ ဒါကြောင့်ဘဲ စကားဝိုင်းအသံသွင်းအပြီး နုတ်ဆက်ချိန်မှာ ကျွန်မက ဆရာဦးကိုနီကို ဒီလိုနှုတ်ဆက်စကားပြောခဲ့ဖူးပါတယ်။
“ဆရာရယ် ... ဆရာလို ဥပဒေပညာ အလွန်ကျွမ်းကျင်သူတယောက် ပြည်သူဘက်ကရပ်တည်လာတာအပေါ် ကျွန်မဖြင့် ဝမ်းလည်းသာ အားလည်းရှိလိုက်တာ ဆရာရယ်” လို့။
အခုတော့ ဒီလိုပုဂ္ဂိုလ်မျိုးတယောက်ကို လူမြင်ကွင်း နေ့ခင်းကြောင်တောင် လုပ်ကြံခံလိုက်ရပါတယ်။ ဘာ့ကြောင့်လဲ။ ဘယ် သူတွေက လုပ်ကြံတာလဲ။ဘာရည်ရွယ်ချက်တွေရှိသလဲ။ တကယ့်ပစ်မှတ်က ဘာလဲ။
၁။ ပထမ လူပုဂ္ဂိုလ်ကိုကြည့်ရအောင်ပါ။
စစ်အာဏာရှင်တွေရဲ့အသက်ဗူး ၂၀၀၈ ဖွဲ့စည်းပုံကိုပြင်ဆင်ဖို့ကြိုးပန်းနေသူ။ (လုံးဝတောင်ဖျက်သိမ်းချင်သူ)
အတတ်ပညာအရလည်း ပြင်နိုင်စွမ်းရှိသူ။
အတွေးအခေါ်အရလည်း ခိုင်မာပြတ်သားသူ။
၂။ ဒုတိယ အချိန်ကာလအရ။
ပြည်သူတရပ်လုံးအနေနဲ့ကလည်း နိုးကြားတက်ကြွလာနေပြီး ၂၀၀၈ ဖွဲ့စည်းပုံမပြင်နိုင်ရင် ဘာမှဆက်မလုပ်နိုင်တော့လို့ မြင် လာနေပါပြီ။ အထူးသဖြင့် အခုလုပ်ဆောင်နေတဲ့ ၂၁ရာစုပင်လုံ အစည်းအဝေးပဲကြည့်ပါ။ ဘယ်သူတွေက ဖျက်မျဉ်း ဖြစ်နေသလဲ။
ဗမာပြည်ရဲ့ပြဿနာအရပ်ရပ်ကိုပဲကြည့်ပါ။ ဘယ်ကိစ္စဘဲ ဆွဲထုတ်လာလာ နောက်ဆုံး ဘယ်ဘူတာပဲဆိုက်သလဲ။ ဥပမာ တလောကပြုလုပ်သွားတဲ့ သတင်းမီဒီယာဌာနများရဲ့တွေ့ဆုံမေးမြန်းခန်းတွေ၊ တိုက်ရိုက်အသံလွှင့်ချက်တွေနားထောင် ကြည့်ပါ။ ကားသမားတွေရိုင်းပြမှုတွေအပေါ် ဆွေးနွေးချက်များ၊ ကုန်ဈေးနှုန်းကြီးမြင့်မှုအပေါ်မှာ အားလုံးဘယ်ဘူတာ ဆိုက်သလဲ။ ဦးပိုင် (သို့မဟုတ်) ပြည်ထဲရေးဌာနကိုပဲ ဆိုက်ပါတယ်။ ဒါ့အပြင် ဧပြီလမှာကျင်းပမဲ့ ကြားဖြတ်ရွေးကောက်ပွဲဟာ အားလုံးအတွက် အရေးကြီးပါတယ်။
(က)။ ဒီချုပ်အစိုးရအတွက် သူတို့အုပ်ချုပ်တဲ့ (၁) နှစ်ခရီးအတွင်းလုပ်ဆောင်ချက်များအပေါ်ပြည်သူလူထုရဲ့သဘောထားဆန္ဒခံယူပွဲဖြစ်ပါတယ်။ ဒီချုပ်အနေနဲ့ မိမိတို့ကိုင်စွဲလာတဲ့မူများနဲ့ပတ်သက်ပြီး ရဲရဲရင့်ရင့် နိဂုံးချုပ်ပြီး ဘယ်ဟာတွေမှာ လိုသေးတယ်ဆိုတာ ပြည်သူကို ပွင့်ပွင့်လင်းလင်းချပြဘို့လိုပါတယ်။ မိမိတို့ရဲ့အားနည်းချက်များကို ရဲရဲကြည့်ပြီး ပြုပြင်မဲ့ နည်းလမ်းများ ပြည်သူလူထု အကူအညီနဲ့ရှာပါ။
(ခ)။ ပြည်သူလူထုအတွက် မိမိတို့လိုချင်တဲ့ ဒီမိုကရေစီပန်းတိုင်ကို ဘယ်သူအရောက်ပို့ပေးနိုင်မလဲ။ အဲဒီပန်းတိုင်ကို မ ရောက်အောင် ဘယ်သူတွေက တားဆီးနှောက်ယှက်နေသလဲ။ အမြင်ရှင်းနေဖို့လိုပါတယ်။ အနီးလည်းကြည့်ရမယ်။ ရေရှည် အမြင်လည်း ရှိရမယ်။
(၈)။ စစ်အာဏာရှင်စနစ်ကို (တစိတ်တပိုင်းဘဲဖြစ်ဖြစ်) ဆက်လက်ကိုင်စွဲချင်သူများ။ သူတို့အတွက် အရေးအကြီးဆုံးဖြစ်ပါ တယ်။ အခုတလော ဘယ်သူတွေ အလှုပ်ရှားဆုံးလဲ။ ကြည့်ပါ။ သူတို့အတွက် အခွင့်ကောင်းလို့ သဘောထားပုံရ တယ်။ သူတို့မှာ သူတို့ အသက်ဗူးကိုကာကွယ်ဖို့အတွက် အနုနုည်း (ငွေကြေးလုံလောက်ရုံမက ပိုလျှံနေတယ်။) အကြမ်းနည်း။ (အခုတလောအကြမ်းဘက်မှုများ တမှုမှ တရားခံမပေါ်ပါ။) ဘက်စုံ အလုံအလောက်ရှိပါတယ်။
တကြိမ်တခါက တည်မြဲနိုင်ငံရေးသမားတွေပြောဘူးတဲ့ နိုင်လည်း နိုင်ရမယ်။ ရှုံလည်း နိုင်ရမယ်ဆိုတဲ့စကားကို သတိရချင် စရာပါ။
ဗမာပြည်ကြီး စစ်အာဏာရှင်စနစ်အောက်ကလွတ်မြောက်ပြီး ဒီမိုကရေစီအပြည့်အဝရသွားရင်၊ ဗမာပြည်ကြီးငြိမ်းချမ်းသွား ရင် ဘယ်အုပ်စုက အနစ်နာဆုံးဖြစ်မလဲ။ ဒါကို ဘယ်အုပ်စုက မလိုလားဆုံးဖြစ်မလဲ။
ဒါတွေကိုကြည့်ရင် ဒီလူသတ်မှုရဲ့နောက်ကွယ်မှာ ဘယ်သူရှိတယ်ဆိုတာ ရှင်းနေပါတယ်။ ဒီနေရာမှာ နိုင်ငံတကာအတွေ့ အကြုံတချို့ကို ပြောပြချင်ပါတယ်။
၁။ ၁၉၈၃ ခုနှစ် ဖိလစ်ပိုင်မှာဖြစ်ခဲ့တဲ့အဖြစ်အပျက်။ အာဏာရှင်သမတ မားကိုစ့်ကပြုလုပ်ပေးမဲ့ သမတရွေးကောက်ပွဲကိုဝင် ပြိုင်ဖို့ အမေရိကရောက်နေတဲ့ အတိုက်အခံခေါင်းဆောင် အကွီနိုပြန်အလာ မနီလာလေဆိပ်မှာ (အခု ဦးကိုနီလုပ်ကြံခံရသလို)ဦးခေါင်းကိုသေနတ်နဲ့ပစ်လုပ်ကြံခံခဲ့ရပါတယ်။ ဒီတင် ကျန်ရစ်သူမုဆိုးမ ကိုရီအကွီနိုက လုပ်ကြံခံရသူ ခင်ပွန်းသည်ရဲ့ဈာပန ကို အာဏာရှင်မာကိုစ့်ဆန့်ကျင်ရေးဆန္ဒပြပွဲကြီးဖြစ်အောင်လုပ်ဆောင်ပြီး သမတရွေးကောက်ပွဲမှာ အနိုင်ရအောင်လုပ်နိုင် ခဲ့ပါတယ်။ မာကိုစ့်လည်းတိုင်းပြည်က ထွက်ပြေးသွားခဲ့ရပါတယ်။
ကိစ္စဆိုးတရပ်ကို ပြည်သူလူထုအားနဲ့ ကိစ္စကောင်းတရပ်အဖြစ်သို့ ပြောင်းလဲလိုက်နိုင်ပါတယ်။
၂။ ၁၉၄၉ ခုနှစ် တရုတ်ပြည်က စီးပွားရေးအချက်အချာမြို့ကြီး ရှံဟဲလွတ်မြောက်စဉ်က အဖြစ်အပျက်များပါ။ ကူမင်တန် ခေါင်းဆောင် ချန်ကေရှိတ်က ထိုင်ဝမ်ကိုထွက်မပြေးခင် မော်စီတုန်းကို အခွံဘဲချန်ပေးခဲ့မယ်လို့ ကြိမ်းဝါးပြီး စက်ရုံတွေ၊ တံတားတွေစတဲ့ သက်မဲ့များကိုဖျက်ဆီးရုံမက နောင်တရုတ်ကွန်မြူနစ်တွေ တိုင်းပြည်တည်ဆောက်ရာမှာ အားကိုးအားထား ပြုနိုင်မဲ့ တိုင်းချစ်ပြည်ချစ်ပညာရှင်တွေ၊ တိုးတက်တဲ့နိုင်ငံရေးသမားတွေ (သူတို့စစ်တပ်ထဲကသမာသမတ်ရှိတဲ့ စစ်ဗိုလ်ချုပ် တွေတောင်မချန်) အကုန်ဖမ်းဆီးပြီး ထိုင်ဝမ်ခေါ်လို့ရရင်ခေါ် ခေါ်မရရင် သတ်ပစ်ခဲ့ပါတယ်။ ရှံဟဲကို ဆုတ်ပေးရခါနီးမှာ လည်း ချန်ကေရှိတ်ဟာ ထောက်လှမ်းရေးမှုးတိုင်လီအကူအညီနဲ့ တန်ပြန်တော်လှန်ရေးအဖွဲ့ကြီးကိုအင်အားအပြည့်နဲ့ (ငွေ ကြေး-လက်နက်ခဲယမ်းဖေါက်ခွဲရေးပစ္စည်းအပြည့်အစုံ) ထားခဲ့ပါတယ်။ ကွန်မြူနစ်တွေ ဘာစီးပွားရေးမှ လုပ်တတ်တာမ ဟုတ်။ ရက်တရာလောက်တောင့်ခံထားပြီး အဖျက်လုပ်ငန်းတွေလုပ်ကြ။ (ဥပမာ-စက်ရုံတွေဖေါက်ခွဲဖျက်ဆီးပြီး အလုပ် သမားတွေအလုပ်လက်မဲ့သွားအောင်၊ စီးပွားရေးလုပ်ငန်းရှင်ကြီးများ ရှံဟဲမှာမနေရဲတော့အောင်၊ စားနပ်ရိက္ခာတွေခက်ခဲ အောင်၊ ကုန်ဈေးနှုန်းတွေအဆမတန်တက်လာပြီး လူထုမကျေမနပ်အုံကြွလာအောင်) ငါတို့မုချပြန်လာမယ် .. စတဲ့ အားပေး စကားနဲ့အတူ ညွှန်ကြားချက်များ အသေးစိတ်ပေးခဲ့ပါတယ်။
ရှံဟဲမြို့တော်ဝန်ချင်ယီ (တရုတ်လွတ်မြောက်ရေးစစ်ပွဲအတွင်း အလွန်နာမည်ကျော်ခဲ့တဲ့ ဗိုလ်ချုပ်) ဟာ ပြည်သူလူထုတ ရပ်လုံးကို အခြေအနေအရပ်ရပ်ကိုချပြပြီး ရှံဟဲမြို့တည်ငြိမ်ရေးကို လုပ်ဆောင်ခဲ့ပါတယ်။ ကူမင်တန်သူလျှိုတွေဟာနည်း ပေါင်းစုံနဲ့ အဖျက်လုပ်ငန်းတွေလုပ်ရာမှာ လူအတော်များများ လုပ်ကြံသတ်ဖြတ်ခံရပါတယ်။ အလုပ်သမားသမဂ္ဂခေါင်း ဆောင်တချို့ဆိုရင် မိမိတို့စက်ရုံကြီး ဖေါက်ခွဲဖျက်ဆီးခြင်းမခံရအောင် အသက်နဲ့လဲ ကာကွယ်သွားကြပါတယ်။
ကူမင်တန်တွေအဖို့ ရှံဟဲမတည်ငြိမ်ရေးဟာ သူတို့အတွက် သေရေးရှင်ရေးဖြစ်သလို ရှံဟဲတည်ငြိမ်ရေး ဆက်လက်ရှင်သန် ရေးဟာလည်း ကျန်အများစုပြည်သူကြီးတရပ်လုံးအနေနဲ့ကလည်း သေရေးရှင်ရေးပါဘဲ။ ဒီတိုက်ပွဲအတွင်းမှာ လူထုကြီး တရပ်လုံးက မိမိတို့အရေးကိစ္စကြီးလို့ သဘောထားလာနိုင်အောင် တရုတ်ကွန်မြူနစ်များက လုပ်နိုင်ခဲ့ပါတယ်။ လူထုအနေနဲ့ မိမိတို့အကျိုးစီးပွားကို ကိုယ်စားပြုသူများလို့ယုံကြည်သွားရင် အသက်ပေးကာကွယ်ပါလိမ့်မယ်။ နောက်ဆုံး ချင်ယီကိုလုပ်ကြံ ဘို့အနီးကပ်ထည့်ထားတဲ့ ကူမင်တန်သူလျှိူ ထမင်းချက်က သူအဆိပ်ခတ်ထားတဲ့ထမင်းစားမယ်လုပ်တဲ့ ချင်ယီကိုမစား ဖို့တားလိုက်ပြီး အဖမ်းခံလိုက်တဲ့အထိပါဘဲ။
အခုလည်း ဦးကိုနီကီုသေနတ်နဲ့ပစ်ပြေးတဲ့လူကို အုတ်ခဲကျိုးနဲ့ (မိမိအသက်ပေးပြီး) လိုက်ဖမ်းပေးကြတဲ့ပြည်သူတွေကို ကြည့်ပါ။
ပြည်သူတွေအတွက် (ဦးကိုနီ သမီးစကားယူသုံးရရင်) လုပ်ဘို့လိုတာလုပ်ပေးပြီး သေဘို့လိုတော့လဲ သေသွားပေးတဲ့သူ တွေအပေါ်ထားတဲ့ ပြည်သူတွေရဲ့သဘောထားကို ချီးကြူးဂုဏ်ပြုလိုက်ပါတယ်။
ဦးကိုနီ အသက်ပေးထမ်းဆောင်ခဲ့တဲ့ မပြီးဆုံးသေးတဲ့အရေးတော်ပုံ အောင်မြင်ပါစေ။ ဒီအရေးတော်ပုံဟာပြည်သူအများစုအတွက် (အားလုံးအတွက်မဟုတ်) သေရေးရှင်ရေးပါ။
စစ်အာဏာရှင်စနစ်အောက်ပြားပြားဝပ်ခံခဲ့ရတဲ့ (အခုလည်းခံနေရဆဲဖြစ်တဲ့) ပြည်သူတရပ်လုံးမှာ တာဝန်ရှိပါတယ်။ ကိစ္စ ဆိုးတရပ်ကို ကိစ္စကောင်းတရပ်ဖြစ်အောင် ၀ိုင်းဝန်းလုပ်ဆောင်ကြရအောင်ပါ။
(ဦးကိုနီ လုပ်ကြံခံရကြောင်းကြားရပြီး ရေးသားမိသည့် မိမိရဲ့အမြင်အတွေးများ။)
လှကျော်ဇော
၃၀၊ ၁၊ ၂၀၁၇။
နံနက် ၉း ၄၅
သရုပ်ဖော်ပန်းချီ - သန်းဌေးမောင်