ကိုကျူး ● ရက်စက်သောကဗျာ


ကိုကျူး ● ရက်စက်သောကဗျာ
(မိုးမခ) သြဂတ်စ် ၂၁၊ ၂၀၁၈

တဘဝလုံး အထစ်အငေါ့ဓာတ်ပြားကို
ဖွင့်နေရတာ ညောင်းပြီ

သည်တခါ ပိတောက်ပင် အောက်မှာ
ခရေတွေ ကြွေနေတယ်ဆိုရင် ငါ ကောက်နေတယ်

တဘဝလုံး ကောက်ကောက်ကွေ့ကွေ့
နေ့စားအလုပ်သမလေးရဲ့ စိတ်နဲ့

တစ်နေ့လုပ်ခလေးကို
 မိသားစုမျက်ရည်နဲ့ လဲလိုက်ရသော
ဘဝဟောင်းလောင်းပေါက်ကြီးထဲ
အပိုအလိုမရှိ စတေးလိုက်ရသူ စိတ်နဲ့

စိတ်ထဲက ဒဏ်ရာတွေ ငြိမ်းပါစေကွယ်
ဝမ်းကလေး ဝရုံ
အရှက်ကလေး လုံရုံ
အကြောက်ကလေး ကင်းရုံ
သည်ပုံပြင်တွေ မကြားချင်လို့

ငါတို့ မရေးရဲသော ကဗျာထဲ
ငိုလို့မဝသေးဘူးလား သိချင်တယ်

ကိုကျူး
၁၉ သြဂတ်စ်၊ ၂၀၁၈။
0