K- (ဓာတ်ပုံ- စိုးစံသစ်)- ကဗျာဆရာ ညွှန့်သစ် လေဖြတ်သွား၍ ရန်ကုန်ဆေးရုံကြီးတင်ထားရ


ကဗျာဆရာ ညွှန့်သစ် လေဖြတ်သွား၍ ရန်ကုန်ဆေးရုံကြီးတင်ထားရ
K-   (ဓာတ်ပုံ- စိုးစံသစ်)
(မိုးမခ) သြဂုတ် ၂၃၊ ၂၀၁၈

ကဗျာဆရာကြီး ညွှန့်သစ်ဟာ သြဂုတ်လ ၂၃ရက် နံနက်ခင်းတွင် အရေး ပေါ်ကျန်းမာရေးအခြေအနေအရ ရန်ကုန်ပြည်သူ့ ဆေးရုံကြီး အဆောင် ½ လေဖြတ်လူနာဆောင် အပေါ်ထပ် ခုတင်အမှတ် Cor 17 တွင် တင်ထားရ ကြောင်းသိရပါတယ်။

ကဗျာဆရာညွန့်သစ်ရဲ့ဆေးရုံပေါ်က အခြေအနေနဲ့ပတ်သက်ပြီး စာရေးဆရာ စိုးစံသစ်က “ ဦးနှောက်အာရုံကြောဆရာက သွေးကြောမှာ သွေးခဲဟု အဖြေ ထုတ်။ ရန်ကုန်ဆေးရုံကြီး အဆောင် ½ လေဖြတ်လူနာ ဆောင် အပေါ်ထပ် ခုတင်အမှတ် Cor 17 တွင် တင်ထား။ သတိကောင်း။ 

အခြေနေစောင့်ကြည့်ပြီး ထူးခြားရင် ချက်ချင်းဓာတ်မှန်ရိုက် / ချက်ချင်းပြန်စစ် / လိုအပ်တာဆက်လုပ်ရမယ်အနေထားမှာရှိတယ်။ စောင့်ကြည့်နေရဆဲပါ။

လောလောဆယ် ဆေးသွင်းထား။ ဝိုင်းဝန်းအကြံပြုကူညီပေးကြစေချင်ပါတယ် ” လို့ လူမှုကွန်ရက်ကနေ ရေးသားပြောဆို ထားပါတယ်။

ကဗျာဆရာကြီး ညွှန့်သစ်ဟာ အသက် (၇၆) နှစ်အရွယ်ရှိပြီး ပြီးခဲ့တဲ့လအနည်းငယ်ကမှ ဇနီးဖြစ်သူ ဒေါ်မြမြသန်းကွယ်လွန် ထား ပါတယ်။

ကဗျာဆရာ ညွှန့်သစ် ကိုယ်ရေးအကျဉ်း

အမည်ရင်း- ဦးစိုးညွှန့်
၁၉၄၂၊ နိုဝင်ဘာ ၂၄ရက်ဖွား

ဧရာဝတီတိုင်းဇကာကြီးရွာတွင် အဖ- ဦးအုန်းမောင်၊ အမိဒေါ်ညိုတို့မှ မွေးဖွား၊
မွေးချင်းညီအကို ၃ ယောက်အနက် ဒုတိယသား။

၁၉၅၀ ပြည်တွင်းစစ်ဖြစ်ပွားနေချိန် ရန်ကုန်ရောက်။
ရန်ကုန်ခရိုင်လုံးဆိုင်ရာ ကျောင်းသားများသမဂ္ဂအမှုဆောင် အဖွဲ့ဝင်။

ပထမဆုံးကဗျာစာမူ- ၁၉၇၁၊ မိုးဝေမဂ္ဂဇင်းမှာ '' ဒါပါပဲ '' ကဗျာဖြစ်။

စုပေါင်းကဗျာစာအုပ်များတွင်လည်း ပါဝင်ရေးသားခဲ့။

တကိုယ်တော်အနေနဲ့ ခါးသက်တဲ့အရသာ(၁၉၉၄)၊ ကောင်းကင်ပင်လယ် (၂၀၀၄) အင်္ဂလိပ်-မြန်မာနှစ်ဘာသာ (သားဂျာနယ်ကျော် မိုးဟိန်း အင်္ဂလိပ်ဘာသာပြန်ဆို) လုံးချင်းကဗျာစာအုပ် ၂အုပ်ထုတ်ဝေထား။

ဇနီး- ဒေါ်မြမြသန်း သား ၃ ဦးရှိ။

ရန်ကုန်တိုင်း ရွှေပြည်သာမြို့နယ် ပုသိမ်လမ်းတွင်နေထိုင်ရင်း ကဗျာ၊ ဆောင်းပါးများရေးသားလျက်ရှိ။   ။
0