လင်းသက်ငြိမ် ● သီချင်းဆိုတိုင်း မျက်နှာက မဲ့မဲ့သွားတယ်


လင်းသက်ငြိမ် ● သီချင်းဆိုတိုင်း မျက်နှာက မဲ့မဲ့သွားတယ်
(မိုးမခ) စက်တင်ဘာ ၈၊ ၂၀၁၈

သီချင်းဆိုတိုင်း မျက်နှာက မဲ့မဲ့သွားတယ်
တက်တက်ကြွကြွ အားနဲ့မာန်နဲ့ သီဆိုရမယ့် သီချင်းလေ
ဒါနိုင်ငံတော်ရဲ့ တပုဒ်တည်းသော သီချင်း
သူများတွေဆိုသလို ဆိုစမ်းပါ
သူများတွေလက်သီးကိုဆုပ်သလိုဆုပ်စမ်းပါ
သူများတွေလို လည်ပင်းကအကြောကြီးတွေထအောင်ဆိုစမ်းပါ
ဆိုစမ်းဟေ့ကောင် အားရပါးရ
ဆိုစမ်း ဟေ့ကောင် စိတ်ပါလက်ပါ
နိုင်ငံတော် သီချင်းကွ
ကလေးရဲ့စိတ်ထဲ ဘယ်ကောင်က ဘယ်လိုအတွေးတွေ
ထည့်သွင်းသွားခဲ့တာလဲ
သီချင်းဆိုတိုင်း မျက်နှာက မဲ့မဲ့သွားတယ်
ပြုံးမလို့လား ငိုမလို့လား
လှောင်တာလား ပြောင်တာလား
တုတ်ချက်တွေ တင်ပါးပေါ်ခဏခဏကျလည်း
သီချင်းဆိုတိုင်း မျက်နှာကမဲ့တုန်းပဲ
ကမ္ဘာမကြေကျ သူများထက် ပိုပြီး ကြုံးကြုံးအော်တယ်
ဘာသဘောလဲ
မင်းက ဘာလဲ အဲ့ဒီအချိုးကိုပြင်ကွာ
သီချင်းဆိုတိုင်း မျက်နှာက မဲ့မဲ့သွားတယ်
ခုခေတ် ကလေးတွေ အချိုးကိုမပြေကြဘူး
အလွမ်းသီချင်းမဟုတ်ဘူး
အဆွေးသီချင်းမဟုတ်ဘူး
နိုင်ငံတော်သီချင်းကွ
သီချင်းဆိုတိုင်း မျက်နှာက မဲ့မဲ့သွားတယ် ။

လင်းသက်ငြိမ်

Comments