ထိုက်နန္ဒာဝင်း/Myanmar Now - ရှမ်းအမျိုးသမီးကိုပြန်လွှတ်ပေးရန် TNLA အား နမ့်ခမ်းဒေသခံများ ဆန္ဒပြတောင်းဆို

ရှမ်းအမျိုးသမီးကိုပြန်လွှတ်ပေးရန် TNLA အား နမ့်ခမ်းဒေသခံများ ဆန္ဒပြတောင်းဆို

တည်နေရာအတိအကျမသိရသည့် PSLF/TNLA ထိန်းချုပ်ထားသည့် စခန်းတစ်ခုတွင် နန်းမိုဟွမ်အား ထိန်းသိမ်းထားသည်မှာ တစ်လာကြာမြင့်ပြီဖြစ်ပြီး အသက်ရှင်လျက်ရှိမရှိကိုမသိရဟုမိသားစုကဆိုသည်။

ထိုက်နန္ဒာဝင်း/Myanmar Now
(မိုးမခ) စက်တင်ဘာ ၁၇၊ ၂ဝ၁၈

ဒေသခံတို့ ပေးပို့သော ဓာတ်ပုံတချို့

တအာင်း/ပလောင် အမျိုးသား လွတ်မြောက်ရေး တပ်မတော် (PSLF/TNLA) က တစ်လကြာဖမ်းဆီးထားသည့် ရှမ်းအမျိုးသမီးအားပြန်လွှတ်ပေးရန် ရှမ်းပြည်မြောက်ပိုင်း နမ့်ခမ်း မြို့တွင်ဒေသခံများက ယနေ့ မြို့လုံးကျွတ်ဆန္ဒပြတောင်းဆိုခဲ့ကြသည်။

အသက် ၃၇ နှစ်အရွယ် ကလေးသုံးယောက်မိခင် နန်းမိုဟွမ် သည် ဩဂုတ်လ ၁၇ ရက် နံနက်ခင်းတွင် ကလေးငယ်များအား ထမင်းကျွေးနေစဉ် PSLF/TNLA က ၎င်း၏နေအိမ်သို့ လာရောက်ဖမ်းဆီးခဲ့သည်။

PSLF/TNLA က “အခွန်” ဟု သုံးသည့် ငွေကြေးကောက်ခံသည့်ကိစ္စကိုအစိုးရထံ တိုင်ကြားခြင်းကြောင့် ဖမ်းဆီးခဲ့ခြင်းဖြစ်ပြီး ၎င်းအား “ရာဇသတ်ကြီး” ဥပဒေပုဒ်မ ၃၃၃ အရ TNLA ဗဟိုတရားရုံး၌ အမှုကို လက်ခံစစ်ဆေးနေကာ နန်းမိုဟွမ်၏ ဆွေမျိုးများနှင့် အများပြည်သူရှေ့တွင်စီရင်ချက်ချနိုင်ရန် စီစဉ်သွားမည်ဟု PSLF/TNLA က ထုတ်ပြန်ထားသည်။

ဒေသခံများသည် ယနေ့မနက် ၈ နာရီမှ မွန်းတည့် ၁၂ နာရီအချိန်ထိ နမ့်ခမ်းမြို့ ဆေးရုံကုန်း တောင်ခြေမှမြို့ လယ် ဘုရားကျောင်းအထိ လမ်းလျှောက်ကာ ပြုလုပ်ခဲ့ကြသည်။

“ဒီနေ့က သူဖမ်းဆီးခံရတာ တစ်လပြည့် လည်းဖြစ်တယ်။ ခွင့်ပြုမိန့်ကို လူအင်အား ၃၀၀၀ နဲ့ တင်ထား ပေမယ့် မြို့ခံ အင်အား ၁၀,၀၀၀ လောက် လာရောက် ပူးပေါင်းဆန္ဒထုတ်ဖော်ပါတယ်။ ဒီနေ့ ထူးခြားတာက အရင် TNLA ဖမ်းဆီးသွားတဲ့ အပြစ်မဲ့ ပြည်သူတွေရဲ့ မိသားစု များပါဝင် တောင်းဆိုတာ တွေ့ ပါတယ်” ဟု ဆန္ဒပြပွဲကို ဦးဆောင်စီစဉ်သူများထဲမှ တစ်ယောက်ဖြစ်သည့် စိုင်းသိန်းရွှေက Myanmar Now ကို ပြောသည်။

နမ်းခမ့်မြို့၊ ဟိုနောင်ရပ်ကွက်တွင် ကုန်မာဆိုင်ရှင် နန်းမိုဟွမ်သည် ဖမ်းဆီးခံရသည့်နေ့မှစတင်ပြီး ယနေ့အထိ မိသားစုနှင့် အဆက်အသွယ်လုံးဝမရသေးသောကြောင့် အသက်အန္တရာယ်အတွက် စိုးရိမ်နေကြောင်း အစ်မနန်းမိုခမ်းက ပြောသည်။

“အခုက သေသလား၊ ရှင်သလားဆိုတာကို မသိရဘူး။အရမ်းကို စိုးရိမ်နေတယ်။ အငယ်ဆုံးကလေးလည်း ဖျားနေတာ မသက်သာဘူး၊ အမြန်ဆုံးသာလွှတ်ပေးကြပါလို့” ဟု ၎င်းကဆိုသည်။

TNLA အနေဖြင့် နန်းမိုဟွမ်ကို အမြန်ဆုံးလွှတ်ပေးလိုက်မှသာ ရှမ်းနှင့် တအာင်း (ပလောင်) လူမျိုးရေးပဋိပက္ခမ ဖြစ်စေရန်ထိန်းချုပ်နိုင်မှာ ဖြစ်သည်ဟု ရှမ်းတိုင်းရင်းသားများဒီမိုကရက်တစ်ပါတီ (ကျားဖြူပါတီ) ဥက္ကဋ္ဌ စိုင်းအိုက်ပေါင်းကပြောသည်။

“လူထုဒေါသမပေါက်ကွဲဖို့အရမ်းအရေးကြီးတဲ့ အခြေအနေပါ။ ပေါက်ကွဲလာရင် ထိန်းရခက်မယ်။ TNLA က မြန်မြန်လွှတ်ပေးလိုက်တာ အကောင်းဆုံးပါပဲ”ဟု ၎င်းကပြောသည်။

နန်းမိုဟွမ် ပြန်လည်လွတ်မြောက်ရေးအတွက် မိသားစုဝင်များက စက်တင်ဘာလ ၇ ရက်တွင် နမ့်ခမ်းမြို့လယ် ဘုရားကျောင်းရှေ့တွင် ဆန္ဒပြခြင်း၊ အစိုးရအရာရှိများထံ တိုင်ကြားခြင်းတို့ ပြုလုပ်ခဲ့ဖူးသည်။

အပြစ်မဲ့အရပ်သားတစ်ဦးကို ဖမ်းဆီးထားသည့် တအာင်း/ပလောင်လက်နှက်ကိုင် တို့၏လုပ်ရပ်ကို “ဥပဒေမဲ့လုပ်ရပ်” ဟုလည်း အမျိုးသား ပြန်လည် သင့်မြတ်ရေးနှင့်ငြိမ်းချမ်းရေးဗဟိုဌာန (NRPC) စက်တင်ဘာလ ၁၀ ရက်နေ့တွင်ပြစ်တင်ဝေဖန်ခဲ့ပြီး ပြန်လွှတ်ပေးရန်လည်းတောင်းဆိုခဲ့သည်။

PSLF/TNLA က “အခွန်” ဟု သုံးသည့် ငွေကြေးကောက်ခံသည့်ကိစ္စကိုအစိုးရထံ တိုင်ကြားခြင်းကြောင့် ဖမ်းဆီးခဲ့ခြင်းဖြစ်ပြီး ၎င်းအား “ရာဇသတ်ကြီး” ဥပဒေပုဒ်မ ၃၃၃ အရ TNLA ဗဟိုတရားရုံး၌ အမှုကို လက်ခံစစ် ဆေးနေကာ နန်းမိုဟွမ်၏ ဆွေမျိုးများနှင့် အများပြည်သူရှေ့တွင်စီရင်ချက်ချနိုင်ရန် စီစဉ်သွားမည်ဟု PSLF/TNLA က ယခုလ ၃ ရက်နေ့တွင် ထုတ်ပြန်ထားသည်။

TNLA အနေဖြင့် နန်မိုဟွမ်းကို အမြန်ဆုံးပြန်လွှတ်ပေးရန် အစီအစဉ်မရှိသေးကြောင်းနှင့် ထုတ်ပြန်ထား သည့်အတိုင်း TNLA၏ သီးခြားတရားဥပဒေအရသာ စီရင်ဆုံးဖြတ်ရန် ရှိသည်ဟု TNLA မှ ပြောရေးဆိုခွင့်ရှိသူ ဗိုလ်မှူးတာအိုက်ကျော်က စက်တင်ဘာ ၁၁ ရက်နေ့တွင် Myanmar Now ကို ပြောသည်။