ဝင်းနန္ဒာ (Myanmar Now) ● မွတ်စလင် လင်မယားကွာရှင်းခြင်းဓလေ့ အငြင်းပွားဖွယ်ဖြစ်နေ


ဝင်းနန္ဒာ (Myanmar Now) ● မွတ်စလင် လင်မယားကွာရှင်းခြင်းဓလေ့ အငြင်းပွားဖွယ်ဖြစ်နေ
(မိုးမခ) စက်တင်ဘာ ၂၄၊ ၂ဝ၁၈


ဓာတ်ပုံများ - ခင်နှင်းဝေ/Myanmar Now   

 မွတ်စလင်အမျိုးသမီးများ လင်ယောက်ျား၏ အလွယ်တကူကွာရှင်း ခံနေရသည်မှာ အမျိုးသမီးအခွင့်အရေး ဖောက်ဖျက် ခံနေရခြင်းဖြစ်သဖြင့် ထိုဓလေ့ကိုတားမြစ်ရန် လိုအပ်နေပြီဖြစ်ကြောင်း အစ္စလာမ် ဘာသာရေး ပညာရှင်များနှင့် အစ္စလာမ် အမျိုးသမီးအခွင့်အရေး တက်ကြွလှုပ်ရှားသူများက ပြောကြားလိုက်သည်။

ရန်ကုန်မြို့တွင် ယနေ့မနက်ကကျင်းပသည့် ‘လင်မယားကွာရှင်းခြင်းဆိုင်ရာ အစ္စလာမ့်ဥပဒေ စကားဝိုင်း ဆွေးနွေးပွဲတွင် ပြောကြားခဲ့ခြင်းဖြစ်သည်။ ထိုဆွေးနွေးပွဲကို မန္တလေးအခြေစိုက် ‘Friday Times Journal’က ဦးဆောင်ကျင်းပခဲ့ခြင်းဖြစ်သည်။

ဒီဟာက သိပ်နောက်ကျနေပြီ။ ဒီဟာတွေတားမြစ်ဖို့ အရမ်းကိုလိုအပ်နေပါပြီ။ ဘာဖြစ်လို့လဲဆိုတော့ မိန်းကလေး တွေ အများကြီးနစ်နာနေရတာတွေရှိတယ် ဟု သွလာက်ဖြင့်လင်မယားကွာရှင်းခြင်း အမှုတွေမှာ လိုက်ပါဆောင်ရွက်နေသည့် တရားလွှတ်တော်ရှေ့နေ ဦးဘေလ်လားရန်နိုင်က ထိုဆွေးနွေးပွဲတွင် ပြောသည်။

သွလာက် ၏အဓိပ္ပါယ်မှာ “ခင်ပွန်း၏ဆန္ဒအရကွာရှင်းခြင်း ဟု အလ်ဟာဂ်ျ မုဖ်သီ ဦးမြင့်သိန်း( ငြိမ်းချမ်း ရေးလုလင်) ရေးသားသည့် အစ္စလာမ့်တရားတော်အရ ကွာရှင်းပြတ်စဲခြင်း စာတမ်းတွင်ရေးသားထားသည်။

အစ္စလာမ်ဘာသာဓလေ့ထုံးတမ်းများတွင် ခင်ပွန်းဖြစ်သူသည် မိမိ၏ဇနီးမယားကို ကွာရှင်းလိုပါက ၎င်းကို “သွလာက်ပေး (ကွာရှင်းပြတ်စဲ) သည်ဟု ပြောနိုင်ပြီး သုံးကြိမ်တိတိထိ ပြောပြီးပါက ကွာရှင်းပြတ်စဲမှု အထမြောက်သည်။ သို့ရာတွင် တစ်နေရာတည်းတွင် “သွလာက်ဟု တစ်ကြိမ်သာ ပေးပိုင်ခွင့်ရှိသည်ဟု ယူဆသူများလည်းရှိသလို တစ်နေရာတည်း၊ တစ်ထိုင်တည်းတွင် သုံးကြိမ် သုံးခါတိတိ ပေးနိုင်သည်ဟု ယူဆသူများလည်း ရှိနေသည်။

မြန်မာနိုင်ငံတွင် ၁၉၅၉ မြန်မာမွတ်စလင်အမျိုးသမီးအထူးကွာရှင်းခွင့်ဥပဒေ ပြဋ္ဌာန်းခဲ့သော်လည်း သုံးသွလာက်နှင့် ဟလာလယ် (လင်မယားပြန်ပေါင်းခြင်း) နှင့်ပတ်သက်ပြီးဥပဒေတစ်ရပ် သီးသန့်ပြဋ္ဌာန်းရန် လိုအပ်နေကြောင်း ဦးဘေလ်လားရန်နိုင်ကဆက်ပြောသည်။

သွလာက် ပေးရာတွင် ဘေးနားတွင် အသိသက်သေနှစ်ယောက်ရှိမည်ဖြစ်ပြီး ထိုသက်သေနှစ်ယောက်က ဇနီး မောင်နှံနှစ်ဦးကြား ကြားဝင် ညှိနှိုင်းပေးရမည်ဖြစ်ကြောင်း၊ ထိုသို့ ညှိနှိုင်း၍မရကာမှ ခင်ပွန်းဖြစ်သူက “သွလာက် တစ်ကြိမ်ပေးရကြောင်း ဆွေးနွေးပွဲတက်ရောက်သူများ က ပြောသည်။ သို့သော် ယခုခေတ်ပိုင်းတွင် မွတ်စလင်အမျိုးသားများက ဖုန်း၊ အင်တာနက်၊ စာတိုမှတစ်ဆင့် သွလာက်ပေးသည်ဟု ဆိုကာ အလွယ်တကူ ပြတ်စဲခြင်းခံရသည့် အမျိုးသမီးအများအပြားရှိပြီး ထိုအမှုများမှာလည်း မြို့နယ်တရားရုံးများတွင်သာ ကျေအေးပြီးဆုံးခြင်းမျိုးသာ ရှိခဲ့သည်ဟု ၎င်းတို့က ပြောသည်။

မြို့နယ်တရားရုံးတွေမှာတင် အမှုကကျေအေးလို့ပြီးသွားကြတယ်။ တရားရုံးချုပ်ကိုမရောက်တဲ့အတွက် စီရင်ထုံးတွေမဖြစ်ခဲ့ပါဘူး ဟု ဆိုသည်။ ပါကစ္စတန်၊ ဘင်္ဂလားဒေ့ရ်ှနိုင်ငံများအပါအဝင် နိုင်ငံပေါင်း ၂၂ နိုင်ငံမှာ အဆိုပါဓလေ့ကို တားမြစ်ထားပြီး ဖြစ်တာကြောင့် ယခုကဲ့သို့တောင်းဆိုရခြင်းဖြစ်သည်ဟု ဦးဘေလ်လားရန်နိုင်က ပြောသည်။

ယနေ့ ဆွေးနွေးပွဲတက်ရောက်သူများအနက် မြန်မာမွတ်စလင် သာသနာ့ပညာရှင်များအဖွဲ့ချုပ် (ဗဟို)မှ ဓမ္မသတ်မှူး မွဖ်သီ ဂျမားလ် ဟူစိန်ကမူ အစ္စလာမ်နိုင်ငံတော်တော်များများတွင် တစ်ကြိမ်တည်း၊ တစ်နေရာတည်း သုံးသွလာက်ပေးခြင်း အထမြောက်သည်ဟု ဆိုသည်။ သို့သော် ကျန်တက်ရောက်ကြသူအချို့ကမူ ထိုအချက်ကို ငြင်းကြသည်။

အစ္စလာမ့်တရားတော်အရ အမျိုးသမီးတစ်ဦးအပေါ် သွလာက်ပေးခြင်းမှာ ဓမ္မတာပြီးဆုံးသည့် အချိန်တွင် တစ်ကြိမ်စီ သွလာက်ပေးခြင်းကိုပြုလုပ်ရမည်ဖြစ်သည်။ ထိုသုံးလအတွင်း နှစ်ဦးနှစ်ဖက် ပြန်လည်အဆင်ပြေမည်ဆိုလျှင် သွလာက်ပေးခြင်းအထမမြောက်ကြောင်း မြန်မာနိုင်ငံဖွား ဘောလီးဝုဒ် အမျိုးသမီးရုပ်ရှင်သရုပ်ဆောင် တစ်ဦးဖြစ်သည့် လိုင်လာခန်းက အဆိုပါရှင်းလင်းပွဲ၌ ပြောသည်။

အမျိုးသမီးတွေကလည်း ကိုယ့်အခွင့်အရေးကိုယ်သိပါ။ ယောက်ျားတွေ ကန်ထုတ်လိုက်တာနဲ့ ဆင်းလာရတာမျိုးမဖြစ်စေဘဲ ကိုယ့်အခွင့်အရေးကိုယ်ပြန်ပြောနိုင်ဖို့ လိုပါတယ်။ ဒါကြောင့် ကိုယ့်အခွင့်အရေးကိုယ်ရအောင်ယူပါ ဟု ၎င်းက ဆိုသည်။

လင်ယောက်ျားတစ်ဦးသည် မိမိ၏ဇနီးအား တစ်နေရာတည်း၊ တစ်ချိန်တည်း၊ တစ်ကြိမ်တည်း သုံးသွလာက် ပေးမိလျှင် ယင်းသည် စည်းမဲ့ကမ်းမဲ့ဖြစ်ကြောင်း ပြည်ထောင်စုမြန်မာနိုင်ငံတော် အစ္စလာမ်သာသနာရေးရာ ကောင်စီ ဌာနချုပ်မှ ထုတ်ပြန်ထားသော “အစ္စလာမ့် ဓမ္မသတ် အဆုံးအဖြတ် စာအုပ် စာမျက်နှာ ၁၂ တွင် ဖော်ပြထားသည်။

ခင်ပွန်းက သွလာက်ပေးပြတ်စဲခြင်းကြောင့် အမျိုးသမီးအခွင့်အရေးဆုံးရှုံးနေရသူများရှိသကဲ့သို့ သွလာက်မပေးဘဲ အိမ်တွင်းအကြမ်းဖက်မှုများကဲ့သို့ အခန်းတွင်း ညှဉ်းဆဲရိုက်နှက်ခံရသည့် အမျိုးသမီးများလည်း ရှိနေသည့်အတွက် သွလာက်နှင့်ပတ်သက်ပြီး အလေးအနက်ထားဆောင်ရွက်သင့်ကြောင်း အစ္စလာမ်သာသနာကျမ်းပြု ပညာရှင် မွဖ်သီ ပသီကျော်ဦးကလည်း ဆွေးနွေးသည်။

အခန်းထဲတံခါးပိတ် ညှဉ်းဆဲရိုက်နှက်တယ် ဒီလိုအမျိုးသမီး တွေ အတွက်ကျတော့ သွလာက်ပေးခြင်းက အဲ့ဒီအမျိုးသမီးရဲ့ရှေ့ဆက်မယ့်လမ်းကို ကိုယ်ပိုင်ဆုံးဖြတ်ချက်နဲ့ သွားခွင့်ရှိသွားတာမဟုတ်ဘူးလား ဟု ၎င်းက ဆွေးနွေးပွဲတွင်ပြောသည်။

ယခုလ အစောပိုင်းကလည်း မွတ်စလင်အမျိုးသမီးဖြစ်သည့် အသက် ၂၄ နှစ်အရွယ် မအေးမြတ်သူက ၎င်းကို ၎င်း၏ခင်ပွန်းက တစ်ထိုင်တည်း သုံးသွလာက်ပေးခဲ့သဖြင့် ၎င်းဆန္ဒမပါဘဲ ကွာရှင်းခံခဲ့ရသည်ဟုဆိုကာ ရန်ကုန်တွင် သတင်းစာရှင်းလင်းပွဲ ပြုလုပ်ခဲ့သေးသည်။







0