မြန်မာနိုင်ငံကာတွန်းဆရာများအသင်း ကာတွန်းပညာမျှဝေခြင်းအစီအစဉ်(၈) အောက်တိုဘာ ၁၃ရက်



မြန်မာနိုင်ငံကာတွန်းဆရာများအသင်း ကာတွန်းပညာမျှဝေခြင်းအစီအစဉ်(၈) အောက်တိုဘာ ၁၃ရက် 

K  (မိုးမခ) အောက်တိုဘာ ၁၀၊ ၂၀၁၈

မြန်မာနိုင်ငံကာတွန်းဆရာများအသင်းမှစီစဉ်သော ကာတွန်းပညာမျှဝေခြင်းအစီအစဉ်(၈)ကို ရန်ကုန်မြို့ အမှတ်(၁၇၃/ ၁၇၅) ပန်းဆိုးတန်းတာဝါ-အခန်း အမှတ်(၆၀၁) ပန်းဆိုးတန်း လမ်း(အလယ်)ရှိ မြန်မာနိုင်ငံကာတွန်းဆရာများအသင်းရုံးခန်းမှာ အောက်တိုဘာ ၁၃ရက်နေ့ နေ့လယ် ၁ နာရီမှ ၃နာရီထိ ကျင်းပပြုလုပ်သွားမယ်လို့သ်ိရပါတယ်။

အဆိုပါ ကာတွန်းပညာမျှဝေခြင်းအစီအစဉ်(၈)မှာ ဟောပြောမျှဝေမယ့်ကာတွန်းဆရာက ကာတွန်းဆရာ ဘိရုမာ ဖြစ်ပြီး ဟောပြောမယ့်အကြောင်းအရာခေါင်းစဉ်ကတော့ Artists?လား Business? လား ဖြစ်ပါတယ်။ ကာတွန်းဘီရုမာက လူငယ်ကာတွန်းဆရာတယောက်ဖြစ်ပြီး သတင်းစာ၊ ဂျာနယ်၊ မီဒီယာအသီးသီးမှာ တကွက်ကာတွန်းများရေးဆွဲနေသူ တ ဦးဖြစ်ပါတယ်။

ယခုကာတွန်းပညာမျှဝေခြင်းအစီအစဉ်က (၈)ကြိမ်မြောက် ကျင်းပခြင်းဖြစ်ပြီး ယခင်အစီအစဉ်များမှာ ကာတွန်း ဦးငွေကြည်၊ ကာတွန်းကျော်သူရှိန်၊ ကာတွန်းမြေဇာ၊ ကာတွန်း အောင်ဇေယျ၊ ကာတွန်းတင်အောင်နီ၊ ကာတွန်းအာကာ၊ ကာတွန်းရွှေမင်းသားတို့က ဟောပြောဆွေးနွေးခဲ့ပြီးဖြစ်ပါတယ်။

မြန်မာနိုင်ငံကာတွန်းဆရာများအသင်းလူမှုကွန်ရက်စာမျက်နှာမှာလည်း ကာတွန်းချစ်သူများ မည်သူမဆို လာရောက်နားထောင်ပြီး သိလိုသည်များကိုလည်း အပြန်အလှန် မေးမြန်း ဆွေးနွေးကြဖို့ ဖိတ်ခေါ်ထားပါပြီး ဟောပြောမှုအစီအစဉ်များကိုလည်း တိုက်ရိုက်ထုတ်လွှင့်ပေးနေပါတယ်။
0