![](https://blogger.googleusercontent.com/img/b/R29vZ2xl/AVvXsEjx-hP_0MgEi8q4MHYXu3RpXusjub21o6IaDMbmoBw6bUlg-15U82zhueRQRlkqS3xbSwwXa3u7MAuT0zKPG2cbsMkoirmElVWbwak7W3zDAI303IJ-821rsh-nivYbeaQR-ySFf_hAhBM/s640/43108263_475368346297380_3635179251826688000_n.jpg)
ရန်နောင်(ဗိုလ်တထောင်)၊ မိုးမခ၊ အောက်တိုဘာ ၄၊ ၂၀၁၈
ရန်ကုန် အောက်တိုဘာ ၄ ။ အမျိုးသားဒီမိုကရေစီ အဖွဲ့ချုပ်ပါတီ စတင်တည်ထောင်စဉ်အချိန်ကတည်းက ဗဟိုဦးစီးအဖွဲ့ဝင်အဖြစ်ပါဝင်ခဲ့သူ၊ ၁၉၉၀ ရွေးကောက်ခံ ပြည်သူ့လွှတ်တော် ကိုယ်စားလှယ်၊ အမျိုးသားစာပေဆုရှင် ၊ နိုင်ငံရေးအကျဉ်းသားဟောင်း၊ စာရေးဆရာကြီး ဒေါက်တာအောင်ခင်ဆင့် ၏ ဈာပန အခမ်းအနားကို ယနေ့ နေ့လယ် ၃ နာရီခွဲ၌ ရေဝေးသုသာန်တွင် ကျင်းပပြုလုပ်ခဲ့သည်။
![](https://blogger.googleusercontent.com/img/b/R29vZ2xl/AVvXsEh94utffschyphenhyphenZe9L3ozOzkrbRnpOWX5XTMaOp_y9sSMONSUcbCjpHvW2FdFJPN1uk6qOOD69_AQOWCd1flsucI0YRBoIOhWkGNRqEz8z6wbjQb-6beu71OrYOSm-g6NoXZ5gfmMGfgG3Gc/s640/43138823_420315611833893_225317798279118848_n.jpg)
ဆရာကြီးဒေါက်တာအောင်ခင်ဆင့်၏ နောက်ဆုံးခရီးကို ဆရာကြီး နှင့် လုပ်ဖော်ကိုင်ဘက် နိုင်ငံရေးသမားများ၊ အမျိုးသားဒီမိုကရေစီအဖွဲ့ချုပ်ပါတီဝင်များ၊ တိုင်းဒေသကြီး လွှတ်တော်ကိုယ်စားလှယ်များ၊ ၁၉၉၀ ရွေးကောက်ခံ လွှတ်တော်ကိုယ်စားလှယ်များ၊ ၈၈ မျိုးဆက်ပွင့်လင်း လူ့အဖွဲ့အစည်း ၊ ၇၄၊၇၅၊ ၇၆ ကျောင်းသားဟောင်းများ စသော အဖွဲ့အစည်းပေါင်းစုံ တက်ရောက်ဂါရဝ ပြုခဲ့ကြသည်။
![](https://blogger.googleusercontent.com/img/b/R29vZ2xl/AVvXsEg9y2MY8kf3_5am4r9Ud5Uf6EvkplCdzi_l3ZJcsyNmyxUpQJ8_O74xqZ46UXqH98uXi24oQLJD_LQR5hWG9quCBQ-ufrr7MF215X9Ewvqaw3xHxf1y8MPC9llUsTIWfO9ucsNtIZdzomw/s640/43195881_2190468114569390_518112238607794176_n.jpg)
ဆရာကြီး၏ ဈာပန အခမ်းအနားတွင် ဆရာကြီးနှင့် လုပ်ဖော်ကိုင်ဘက် နိုင်ငံရေးသမား တစ်ဦးဖြစ်သူ ဦးခင်မောင်ဦး ၊ ၈၈ မျိုးဆက်မှ ဦးကိုကိုကြီး၊ ဦးမြအေး၊ ၇၄၊ ၇၅၊ ၇၆ ကျောင်းသားဟောင်းများအဖွဲ့မှ ဦးဇော်ငြိမ်းလတ် နှင့် မင်္ဂလာတောင်ညွန့်မြို့နယ် တိုင်းဒေသကြီး ပြည်သူ့လွှတ်တော်ကိုယ်စားလှယ် ဦးရန်အောင်တို့က အမှတ်တရဂုဏ်ပြုစကားများ ပြောကြားခဲ့ကြသည်။ အမျိုးသားဒီမိုကရေစီအဖွဲ့ချုပ် ပါတီမှ ဒေါက်တာစိုးဝင်းဦးမှ ဆရာကြီး၏ ကိုယ်ရေးရာဇဝင် အကျဉ်းအား ဖတ်ကြားပေးခဲ့သည်။
![](https://blogger.googleusercontent.com/img/b/R29vZ2xl/AVvXsEj7z5nUXc9bk6OcfF-Lcuiys7A_T5W5N9TBHOGvYgYmErMxM8q98m06eWUeLKnuCytkykBZdpGZMDSiAxnkc_pJoQns5wGvYJpSq_F5wMFSuoNdWl3UVJXqjtMLnvZtzNXyYYNUxOlCHxQ/s640/43052393_493735517773432_1667813170577670144_n.jpg)
အမျိုးသားဒီမိုကရေစီအဖွဲ့ချုပ် ပါတီ အလံ လွှမ်းထားသော ဆရာကြီး ဒေါက်တာအောင်ခင်ဆင့် ၏ မှန်ခေါင်းတလား အား အမျိုးသားဒီမိုကရေစီအဖွဲ့ချုပ် ပါတီဝင်များက ပခုံးဖြင့်ထမ်း၍ မီးသင်္ဂြိုလ်စက်ရှိရာသို့ ပို့ဆောင်ပြီး ဆရာကြီးအား ညနေ လေးနာရီတွင် ရေဝေးသုသာန်၌ မီးသင်္ဂြိုလ်ခဲ့ပါသည်။
(သတင်းနှင့်ဓါတ်ပုံ မောင်ရန်နောင်)
Comments