အောင်ငြိမ်းချမ်း/ Myanmar Nowေ - ကျောက်မဲဘုန်းကြီး လုပ်ကြံခံရမှု တရားခံကို မသိသေး

ကျောက်မဲဘုန်းကြီး လုပ်ကြံခံရမှု တရားခံကို မသိသေး
ငြိမ်းချမ်းရေးတောင်းဆိုသည့်ရဟန်းကို လွန်ခဲ့သည့် နှစ်လက လုပ်ကြံသူတို့မှာ တောတွင်းအဖွဲ့တစ်ခုမှ ဖြစ်ဖွယ်ရှိသည်ဟု ရဲက ယူဆနေသည်

အောင်ငြိမ်းချမ်း/ Myanmar Now
(မိုးမခ) နိုဝင်ဘာ ၂၆၊ ၂ဝ၁၈



လုပ်ကြံမှု ဖြစ်ပွားရာ ရှမ်းပြည်နယ် ကျောက်မဲမြို့ (မြေပုံ - Google Map)
ရှမ်းပြည်နယ်တွင်း ဖြစ်ပွားနေသည့် တိုက်ပွဲများ ရပ်စဲရန် မကြာခဏ ထုတ်ဖော်ပြောလေ့ရှိသည့် ကျောက်မဲမြို့မှ ကျောင်းထိုင်ဆရာတော်တစ်ပါး လုပ်ကြံခံရမှု နှစ်လပြည့်တော့မည် ဖြစ်သော်လည်း သေနတ်သမားတို့ကို ခြေရာမခံနိုင်သေးကြောင်း ရဲတပ်ဖွဲ့က နိုဝင်ဘာ ၂၆ ရက်နေ့တွင် ပြောသည်။

ဓမ္မမေဒနီရွှေကျင်ကျောင်းဆရာတော် ဦးကလျာဏဝံသကို အောက်တိုဘာ ၅ ရက်နေ့က သူ၏ကျောင်းအတွင်း ဆိုင်ကယ်စီးအမျိုးသားနှစ်ဦးက ဝင်ရောက် လုပ်ကြံသွားခြင်း ဖြစ်သည်။ သက်တော် ၄၇ နှစ်၊ ဝါတော် ၂၇ ဝါ ရှိသည့် ဆရာတော်သည် ဆေးရုံရောက်အပြီး မိနစ်ပိုင်းအတွင်း ပျံလွန်တော်မူခဲ့သည်။

ကျောက်မဲမြို့ ရဲစခန်းမှုးက သေနတ်သမားတို့သည် တောတွင်းလက်နှက်ကိုင် အဖွဲ့တစ်ဖွဲ့မှ ဖြစ်နိုင်ကြောင်း ခန့်မှန်းသည်။

အခင်းဖြစ်ပွားသည့်နေရာတွင် ‘လျူဂါ’ ပစ္စတို ကျည်ဆံခွံ ၇ ခု တွေ့ရကြောင်း၊ ထိုလက်နက်ငယ်မျိုးကို တောတွင်းလက်နက်ကိုင်အဖွဲ့များ သုံးစွဲလေ့ရှိကြောင်း ရဲမှူး ဟန်ဝင်းလှိုင်က ပြောသည်။

“ဘယ်အဖွဲ့ဆိုတာ တရားသေ မပြောနိုင်သေးဘူး။ ဖမ်းဆီးရမိမှုလည်း အချိန်ပေါ် မူတည်တယ်” ဟု ၄င်းက ပြောသည်။

အမှုစုံစမ်းဖော်ထုတ်ရာတွင် နယ်မြေမလုံခြုံမှုကြောင့် တပ်မတော်၏ အကူအညီကို ရယူနေရကြောင်း၊ အမာခံသတင်းပေးတချို့ကိုလည်း စုံစမ်းခိုင်းထားကြောင်း ၄င်းက ဆိုသည်။

အမှုနှင့် ပတ်သက်ပြီး မည်သူ့ကိုမျှ ခေါ်ယူ ထိန်းသိမ်း စစ်ဆေးရခြင်း မရှိသေးကြောင်း သိရသည်။

လက်နက်ကိုင်ပဋိပက္ခဒေသတွင် လုပ်ကြံသတ်ဖြတ်မှုတချို့ ရံဖန်ရံခါ ဖြစ်ပွားလေ့ ရှိသော်လည်း ကျောင်းထိုင်ဘုန်းကြီးတစ်ပါး အထူးသဖြင့် ငြိမ်းချမ်းရေးဖော်ဆောင်ရန် တိုက်တွန်းနေသော ဒေသတွင်း သြဇာကြီးရဟန်းတစ်ပါး လုပ်ကြံခံရခြင်းမှာ ရှားပါးသည့် ဖြစ်ရပ် ဖြစ်သည်။

အဆိုပါလုပ်ကြံမှုနှင့် ပတ်သက်ပြီး မည်သည့်အဖွဲ့အစည်းကမျှ ၎င်းတို့၏ လက်ချက် ဖြစ်ကြောင်း ကြေညာခြင်း မရှိသေးပေ။

ဆရာတော်၏ဈာပနကို အောက်တိုဘာ ၁၁ တွင် ပြုလုပ်ခဲ့သည်။
0