“ဘေးထွက်ဆိုးကျိုးရှိနိုင်သလားဆိုတာ လောလောဆယ်တော့ တို့တွေ မသိနိုင်ဘူး”


“ဘေးထွက်ဆိုးကျိုးရှိနိုင်သလားဆိုတာ လောလောဆယ်တော့ တို့တွေ မသိနိုင်ဘူး”
- မန္တလေးတိုင်းဒေသကြီးလွှတ်တော်ဥက္ကဋ္ဌ ဦးအောင်ကျော်ဦး
ခင်နှင်းဝေ/Myanmar Now

(မိုးမခ) ဒီဇင်ဘာ ၇၊ ၂၀၁၈

မန္တလေးတိုင်းဒေသကြီး ပုသိမ်ကြီးမြို့နယ်ရှိ အောင်သပြေကျေးရွာအနီး ရန်ကုန်အခြေစိုက် မြင့်ရင်းနှီးမြှုပ်နှံမှု ကုမ္ပဏီလိမိတက်က အကောင်အထည်ဖော်မည့် ကျောက်မီးသွေးစွမ်းအင်သုံး ဘိလပ်မြေ စက်ရုံစီမံကိန်းနှင့် ပတ်သက်ပြီး ကန့်ကွက်သူဒေသခံများနှင့်ကုမ္ပဏီတို့အကြားဖြစ်ပေါ်နေသည့် ပြဿနာများနှင့်ပတ်သက်ပြီး ယင်းမြို့နယ် တိုင်းဒေသကြီး လွှတ်တော်ကိုယ်စားလှယ် ဦးအောင်ကျော်ဦး (တိုင်းဒေသကြီး လွှတ်တော် ဥက္ကဋ္ဌ) ကို Myanmar Nowက ဆက်သွယ်မေးမြန်းထားပါသည်။

Myanmar Now- ဘယ်လိုအကျိုးကျေးဇူးတွေကြောင့် ဒီစက်ရုံစီမံကိန်းကို ခွင့်ပြုခဲ့တာပါလဲ။ ဖြေ- ဒါကတော့ စီမံကိန်းလုပ်ငန်းကြီးတစ်ခုလုပ်တာပဲ။ အဲဒီလို လုပ်တယ်ဆိုကတည်းက အလုပ်သမား လိုအပ်ချက်တွေဘာတွေလဲရှိမှာပဲ။ ဒေသခံတွေအလုပ်တွေဘာတွေရနိုင်တာပေါ့။ နောက်တစ်ခုက လုပ်ငန်းတွေရတာ မရတာထက် အခုလမ်းကြီးတွေဖောက်တယ်ပေါ့။ ကျေးရွာဘေးမှာ စာသင်ကျောင်းတွေလည်း ဆောက်ပေးတယ်ပြောတယ်။ ဒါတွေလုပ်ပေးခြင်းအားဖြင့် ဒို့ဒေသအတွက်ဖွံ့ဖြိုး တိုးတက်မှုတွေရတာပေါ့။ အမှန်ဆို နိုင်ငံတော်ဘတ်ဂျက်အနေနဲ့ လုပ်ရမယ်ဆိုရင်ဒီလိုလမ်းတွေဆိုရင် ကောင်းကောင်းမွန်မွန် ဖြစ်အောင်မလုပ်နိုင်ဘူးပေါ့။ ရတဲ့ဘတ်ဂျက်ကနည်းတဲ့အခါကျတော့ အခုသူတို့တွေကလုပ်ပေးနေတော့ ဒို့ဒေသအတွက်တိုးတက်မှုတွေရှိတာပေါ့။

Myanmar Now-စက်ရုံအဝင်လမ်းဟာ ရွာသူရွာသားတွေရဲ့လယ်မြေတွေပေါ်ကနေ ဖောက်သွားတယ်ဆိုတာ ဟုတ်ပါသလား။ ဖြေ- လမ်းဖောက်တယ်ဆိုတာကလည်း အစိုးရဌာန လမ်းဦးစီးကနေပြီး ဒီလမ်းတွေကိုဖောက်ပေးတာ ပြည်သူတွေရဲ့လမ်းတွေမြေတွေပါနေမယ်ဆိုရင်လမ်းဦးစီးကလည်းလက်ခံမှာမဟုတ်ပါဘူး ။ အဲဒီတော့ လမ်းဦးစီးဌာနကနေဦးဆောင်ပြီး လုပ်ပေးတဲ့အတွက်ကြောင့်မို့လို့သူတို့မြေတွေ ပါတယ် မပါဘူးဆိုတာ ကျွန်တော်တော့ မသိဘူး။ ပါတယ်ဆိုတာတော့မဖြစ်နိုင်လောက်ဘူးလို့ထင်တယ်။ လူထုက ပါနေတယ်ဆိုရင်လည်း အစိုးရအနေနဲ့ကလည်းဒါမျိုးကိုလက်ခံမှာမဟုတ်ဘူး။

Myanmar Now- ဒီစက်ရုံက ကျောက်မီးသွေးစွမ်းအင်သုံးလို့ သိရတယ်။ ကျောက်မီးသွေးကြောင့် ဒေသခံတွေအတွက်ဘေးထွက်ဆိုးကျိုးအန္တရာယ်တွေ ရှိနိုင်သလား။
ဖြေ- စက်ရုံတည်လိုက်တဲ့အတွက် ဘေးထွက်ဆိုးကျိုးရှိနိုင်သလား ဆိုတာလောလောဆယ်ကတော့ တို့တွေ မသိနိုင်ဘူးပေါ့။ နိုင်ငံတော်အနေနဲ့ဒီစက်ရုံကြီးချပေးလိုက်တာ ဗလိုင်းချပေးလိုက်တာ မဟုတ်ဘူး။ ဒီစက်ရုံကြီး မတည်ဆောက်ခင် ဒီစက်ရုံစီမံကိန်းလုပ်မယ်ဆိုကတည်းက ပုသိမ်ကြီးမြို့နယ်က ပြည်သူ့လွှတ်တော် ကိုယ်စားလှယ် ဦးသောင်းဌေးလင်းကဒီကိစ္စကိုလွှတ်တော်မှာတင်တယ်။ လွှတ်တော်တင်တဲ့အခါကျတော့ ဦးအုန်းဝင်းကလာပြီးဖြေတယ်။
ဒီဟာကြီးလုပ်တဲ့အတွက်ဘေးထွက်ဆိုးကျိုးတွေရှိသလား သဘာဝ ပတ်ဝန်းကျင်ထိခိုက်မှုတွေရှိသလား။ ဒါတွေကိုသက်ဆိုင်ရာဌာနတွေကကွင်းဆင်းစစ်ဆေးမယ်၊ ထိခိုက်တယ်ဆိုရင် လုပ်ပိုင်ခွင့်မပြုဘူး။ မထိခိုက်ဘူးဆိုမှဒါကိုလုပ်ပိုင်ခွင့်ပြုမယ်ဆိုပြီးတော့ ဖြေခဲ့တယ်။ သူဖြေတဲ့အတိုင်းပဲသက်ဆိုင်ရာ ပြည်ထောင်စုက ဌာနဆိုင်ရာတွေအားလုံး ကွင်းဆင်းပြီးတော့စစ်ဆေးတယ်။ စစ်ဆေးတဲ့အခါ သဘာဝပတ်ဝန်းကျင် ထိခိုက်မှုမရှိဘူးလို့ဆိုတဲ့အတွက် သူတို့ကို ပြည်ထောင်စုအစိုးရက ခွင့်ပြုချက်ပေးလိုက်တယ်။ ခွင့်ပြုတာကိုကအကြောင်းမဲ့ခွင့်ပြုတာတော့မဟုတ်ဘူးပေါ့။

Myanmar Now-စီမံကိန်းမဆောက်မီကရော ဒေသခံရွာသူရွာသားတွေကို ဒီစီမံကိန်းပတ်သက်လို့ ကြိုတင်အသိပေးခဲ့တာရှိသလား။ ဖြေ-အဲဒါကတော့ ကုမ္ပဏီကနေ အသိပေးတာတွေရှိမယ်ထင်ပါတယ်။ အဲဒါတော့ ကျွန်တော်တို့မသိဘူး။ နောက်တစ်ခုပြောချင်တာက အဲဒီဒေသခံမှာ ပုသိမ်ကြီးမြို့နယ်ပါတယ်၊ မတ္တရာမြို့နယ်ပါတယ်၊ နယ်မြေနှစ်ခု ခွနေတာပေါ့။ ကျွန်တော်တို့သိရသလောက်ကတော့ ဒီစီမံကိန်းလုပ်ချင်တဲ့အင်အားစုက အများစုဖြစ်နေတယ်။ ကန့်ကွက်တယ်ဆိုတဲ့လူကလူနည်းစုဖြစ်နေတယ်။ လူနည်းစုမှတော်တော်ကို နည်းတယ်လို့ပြောတယ်။ ထောက်ခံတဲ့လူက လေး၊ ငါး၊ ခြောက်ထောင် လောက်ကိုရှိတယ်လို့ပြောတယ်။ ဒီအနေအထားအပေါ်မှာ တိုင်းဒေသကြီး အစိုးရအဖွဲ့ကနေ ထောက်ခံတဲ့လူဦးရေ ကန့်ကွက်တဲ့လူဦးရေ ဒီစာရင်းတွေကိုကောက်တယ်လို့ ပြောတယ်။ နောက်တစ်ခါသက်ဆိုင်ရာမြို့နယ် သက်ဆိုင်ရာခရိုင်အထွေထွေအုပ်ချုပ်ရေးမှူးတွေကနေ တစ်ဆင့် ကန့်ကွက်တဲ့လူတွေ ဘာတွေကန့်ကွက်တာလဲ၊ သူတို့ဘာတွေလိုချင်တာလဲဆိုတာ တစ်ကြိမ်မဟုတ်ဘူး နှစ်ကြိမ်သုံးကြိမ်မက ညှိနှိုင်းတယ်လို့ကြားတယ်။ ဒါတွေညှိနှိုင်းပြီးတဲ့အခါကျမှ ဒေသခံတွေဟာဘယ်လို မှ ပြောမရဘူးတွေဖြစ်လာတာကြောင့် အစိုးရအဖွဲ့အစည်းအနေနဲ့က တရားစွဲတာတွေ ဘာတွေဖြစ်လာရတာပေါ့။ အဲဒီတော့အစိုးရအနေနဲ့ … လူထုမျက်နှာမကြည့်ဘဲနဲ့ လုပ်လိုက်တာမျိုး လုံးဝမရှိဘူး။

Myanmar Now-ဒါဆို ဒေသခံတွေပြောတဲ့ ထောက်ခံတယ်ဆိုတဲ့လက်မှတ် ၅၀၀၀ က တကယ်ဒေသခံတွေရဲ့ထောက်ခံမှု လုံးဝမဟုတ်ဘဲ ကုမ္ပဏီဘက်ကနေ အစိုးရကို လီဆယ်ပြီး တင်တယ်လို့ ဒေသခံတွေကစွပ်စွဲတယ် အဲဒီအပေါ်မှာ ဆရာတို့ကွင်းဆင်းပြီး မှန်မမှန်စစ်ဆေးခဲ့တာတွေရှိသလား။ ဖြေ - ကွင်းဆင်းပြီး စစ်ဆေးရမယ့်အလုပ်က ဦးတို့အလုပ်မဟုတ်ပါဘူး။ ဒီမဲတွေက အစိုးရရုံးကတောင်းတာပါ ဒို့လွှတ်တော်က လုပ်ခိုင်းတာမဟုတ်ပါဘူး။ လွှတ်တော်ဥက္ကဌ အနေနဲ့လုပ်ရတာ မဟုတ်ပါဘူး။ ဒါအစိုးရအဖွဲ့ကလုပ်တာပါ။

MyanmarNow- စီမံကိန်းကန့်ကွက်ခဲ့တဲ့ ရွာသားငါးဦးကို ပုဒ်မအများကြီး စွဲထားတဲ့ အထဲက တစ်မှုကို နိုဝင်ဘာ ၂၈ ရက်နေ့က ထောင်တစ်လချလိုက်တယ်။ အဲဒီတော့ စီမံကိန်းနဲ့ပတ်သက်လို့နောက်ဆက်တွဲ အရေးယူမှုတွေဟာ အခြေခံဥပဒေအရပေးထားတဲ့ နိုင်ငံသားအခွင့်အရေးတွေကို ဖိနှိပ်တယ်လို့ ပြောမရနိုင်ဘူးလား။
ဖြေ - အဲဒါကတော့တရားစီရင်ရေးလမ်းကြောင်းကသွားတာ။ တစ်ခု ပြောချင်တာကဒီမိုကရေစီအစိုးရ ပြည်သူ့အစိုးရ လက်ရှိလုပ်ကိုင်နေတဲ့စနစ်ကို အားလုံးသိပြီးသားပါ။ ဒီမိုကရေစီအစိုးရပဲဖြစ်ဖြစ် ပြည်သူတွေအနေနဲ့ ဥပဒေကိုတော့ မဆန့်ကျင်နဲ့ပေါ့။ ဆန့်ကျင်လို့ကတော့ဘာပဲဖြစ်ဖြစ် အရေးယူမှုကတော့ လုပ်ရမှာပဲ။ ဥပဒေနဲ့အညီလုပ်ကြပေါ့။ ကန့်ကွက်တာတွေဆန္ဒပြတာတွေအများကြီး အစိုးရဘက်ကနေ လိုက်လျောမှုတွေ ညှိနှိုင်းမှုတွေ လုပ်ပေးခဲ့တာတွေ ကျွန်တော်သိတယ်။

MyanmarNow-တိုင်းအစိုးရရုံးကို ဆွေးနွေးဖို့သွားတော့ ဝန်ကြီးချုပ်က အတွေ့မခံဘူးလို့ ရွာသားတွေကစွပ်စွဲတယ် အဲဒါဟုတ်သလား။ ဖြေ-စဉ်းစားကြည့်လေ ဝန်ကြီးချုပ်ကနေရာတကာ လူတိုင်းကို တွေ့စရာမလိုဘူး။ သူက မတွေ့ချင်လို့ အခြားသူတစ်ယောက်တွေ့ခိုင်းပြီလေ။ ဒါဝန်ကြီးချုပ်ကိုယ်စားတွေ့ခိုင်းတာပဲ။ ဝန်ကြီးချုပ်နဲ့ တွေ့ရမှ … ဒါမျိုးကြီးတော့မလုပ်ကြနဲ့လေ။ ဝန်ကြီးချုပ်ခိုင်းတဲ့လူတွေ့ရင် ဝန်ကြီးချုပ်တွေ့တဲ့သဘောပဲလေ။

Myanmar Now-အခုထောင်ချခံရတဲ့သူတွေရဲ့မိသားစုဝင်တွေက သူတို့အိမ်ထောင်ဦးစီးတွေကို ထောင်ချထားလို့ လုပ်ကိုင်စားသောက်ရ ခက်ခဲနေတဲ့အတွက် ဈေးချိုမှာတောင်းရမ်းစားသောက်တာတွေ မနေ့က လုပ်သွားတယ်။ ဒီအပေါ်မှာဘယ်လိုမြင်လဲ။
ဖြေ-ဒါကတော့ ကျွန်တော်တို့မသိဘူး အမျိုးသားထောင်ကျသွားလို့ လုပ်ကိုင်စရာမရှိဘူး ဘာညာဆိုတာ ပြောချင်တာပြောလို့ရတာပေါ့။ နဂိုက ဒါဆိုဘာတွေလုပ်စားကြတာလဲ ဘာလုပ်တယ်ဆိုတာ ကျွန်တော်လည်းမသိဘူးပေါ့နော်။ သဘာဝကျလား မကျလားစဉ်းစားကြည့်ကြပေါ့။

Myanmar Now-အခုဒီပုသိမ်ကြီးမြို့နယ်ဟာ အန်ကယ်တို့မြို့နယ်ဖြစ်တဲ့အတွက် ခုလိုပြဿနာဖြစ်နေတဲ့အပေါ် ဆရာတို့က ဒေသခံတွေနဲ့ ကုမ္ပဏီကြား ကြားဝင်ဆွေးနွေးပေးခဲ့မှုတွေရှိသလား။
ဖြေ- တို့ အဲဒီလိုတော့မရှိဘူး။ ပွင့်ပွင့်လင်းလင်းပြောရရင်ပထမတုန်းကတော့ ဘုန်းကြီးကျောင်း တစ်ကျောင်းမှာ လူထုတွေ့ဆုံပွဲတွေ ဘာတွေလုပ်တယ်။ အဲလိုလုပ်တဲ့အခါ ဦးသောင်းဌေးလင်းလည်း ပါတယ်။ ဦးရဲမင်းဦးလည်း ပါတယ်။ တွေ့ဆုံတဲ့အခါ ဦးသောင်းဌေးလင်းက ဒီကိစ္စကိုလွှတ်တော် တင်ပေးမယ်ဆိုပြီးတော့ သူပြောခဲ့တယ်။ ပြောတဲ့အတိုင်းပဲပြည်သူ့လွှတ်တော်ကိုတင်ပေးတယ်။ အဲဒီတွေ့ဆုံပွဲ လုပ်တုန်းက တို့ လူထုဘက်ကနေ ရပ်ပြီးပြောခဲ့တာပဲ။ တို့တွေဘက်က လွှတ်တော်ကိုတင်မပေးဘူးဆိုလည်း တစ်မျိုးပေါ့။ အစိုးရဘက်က ညှိနှိုင်းမှုတွေမလုပ်ဘူးဆိုလည်း တစ်မျိုးပေါ့။ သူတို့နဲ့ကုမ္ပဏီကြားကို အစိုးရအနေနဲ့ညှိနှိုင်းမှုတွေလုပ်ပေးခဲ့တာပဲ။

Myanmar Now-ဖြည့်စွက်ပြီးပြောချင်တာရှိသေးလား
ဖြေ-ဘာပဲဖြစ်ဖြစ်ဒို့က ပုသိမ်ကြီးမြို့နယ်သားဆိုတော့ ကိုယ့်မြို့နယ်ဖွံ့ဖြိုးတိုးတက်မှုတွေဖြစ်ချင်တာပေါ့။ ဒီလိုသာလူနည်းစုက ကန့်ကွက်တိုင်းဖွံ့ဖြိုးမှုတွေမလုပ်ရဘူးဆိုရင် ဒို့တိုင်းပြည် ဘယ်လိုလုပ်ဖွံ့ဖြိုးတိုးတက်မှာလဲ။

ပုံစာ - မန္တလေးတိုင်း လွှတ်တော်ဥက္ကဋ္ဌ ပုသိမ်ကြီးမြို့နယ်တိုင်းဒေသကြီးလွှတ်တော်ကိုယ်စားလှယ် ဦးအောင်ကျော်ဦးကို လွှတ်တော်အစည်းအဝေးတစ်ခုတွင်တွေ့ရစဉ်
0