နေချိုသွေး ● ကလေးတစ်ယောက်ရင်ထဲမှာ

နေချိုသွေး ● ကလေးတစ်ယောက်ရင်ထဲမှာ
(မိုးမခ) မတ်လ ၁၅၊ ၂၀၁၉

ကလေးတစ်ယောက်ရင်ထဲမှာ
ရေလောင်းပေါင်းသင်ထားတဲ့
အညွှန့်တလူလူ တောတောင်တွေရှိတယ်။

ကလေးတစ်ယောက်ရင်ထဲမှာ
ရစ်ခွေစီးဆင်းနေတဲ့
စိမ့်စမ်းချောင်းလေးရှိတယ်။

ကလေးတစ်ယောက်ရင်ထဲမှာ
ရှူမျှော်မဆုံးတဲါ
ရွှေဝါရောင် စပါးခင်းတွေရှိတယ်။

ကလေးတစ်ယောက်ရင်ထဲမှာ
အမျိုးဘာသာ သာသနာ
စာပေ အနုသုခုမပညာနဲ့
စေတီပုထိုးတွေရဲ့ ဆည်းလည်းသံလေးရှိတယ်။

ကလေးတစ်ယောက်ရင်ထဲမှာ
မီးအိုင်အတွင်းက ထ လာတဲ့
ချိုးဖြူငှက်ကလေးရှိတယ်။

ကလေးတစ်ယောက်ရင်ထဲမှာ
ကျောင်းတက်ခေါင်းလောင်းထိုးသံကို တမ်းတလို့
ကလေးတစ်ယောက်ရင်ထဲမှာ
ရှိူက်ငိုသံတွေနဲ့
အိပ်လို့မပျော်တဲ့ အိပ်မက်ဆိုးတွေလည်း
အဆုံးမသတ်နိုင်အောင် ရှိနေတုန်း ရှိနေဆဲ။ ။

နေချိုသွေး