Rangoon Workers losing jobs, turn into begging

အထွေထွေ အကြပ်အတည်းကြောင့် ရန်ကုန်အလုပ်သမားများ အလုပ်လျော့ချခံရ၊ တောင်းရမ်းစားသူများ တိုးလာဟု ဆို

ညွန့်ထွေး

နိုဝင်ဘာ ၂၈၊ ၂၀၀၈

နိုင်ငံတကာမှာ စီးပွားရေးအကြပ်အတည်းများ ရင်ဆိုင်ရချိန်မှာ ရန်ကုန်မှာလည်း အလုပ်လက်မဲ့ဦးရေ တိုးလာပါတယ်။ ကြံရာမရတဲ့အဆုံး ခွက်လက်စွဲပြီး တောင်းစားနေရသူတွေလည်း တိုးလာတယ်လို့ ဆိုပါတယ်။

ပြီးခဲ့တဲ့ ရက်များမှာ လှိုင်သာယာအထည်ချုပ်စက်ရုံတွေက လုပ်သားတွေ လျှော့ချခဲ့ပါတယ်။ အထည်ချုပ် အလုပ်သမ တဦးက ပြန်ပြောပြပုံက -

“ လွန်ခဲ့တပတ် ညနေအလုပ်ဆင်းချိန်မှာတင်ပဲ မန်နေဂျာက နက်ဖြန်ကစပြီး အလုပ်မဆင်းနဲ့တော့လို့ ပြောလိုက်တယ်။ ကျမတို့ ၁၆ ယောက်ကို ရွေးပြောလိုက်တယ်။ လျော်ကြေးလည်း မပေးဘူး။ ဒီတော့လည်း ကျမတို့ အိမ်ပြန်ရတာပေါ့”

အစိုးပညာရေးစနစ် ချွတ်ချုံကျနေပြီးနောက် ကျန်းမာရေး စနစ်များ၊ လူမှုရေး ကာကွယ်စောင့်ရှောက်မှုများ ကင်းမဲ့နေတဲ့ တိုင်းပြည်တခုဖြစ်နေတဲ့အတွက် အခြေခံလူတန်းစားမှာ အတတ်နိုင်ဆုံး ကိုယ့်အားကိုယ်ကိုးပြီး စားဝတ်နေရေး မဖြေရှင်းနိုင်တဲ့တနေ့မှာ ဘ၀တွေ အနစ်မွန်းခံတာ ဖြတ်လမ်းတွေ လမ်းမှားတွေလိုက်ပြီး ပျက်စီးတာ ပြီးတော့ ရာဇ၀တ်မှုတွေ ကျုးလွန်တာအထိ ဖြစ်လာနေတယ်လို့ မျက်မြင်တွေက သုံးသပ်ပြပါတယ်။

“ အစိုးရ တက္ကသိုလ်ဘွဲ့ရက တလ ၂ သောင်းနဲ့ စူပါမားကက်မှာ အရောင်းစာရေးမ ဒါမှမဟုတ် စာရေးအလုပ်လုပ်ပေါ့။ တချို့က စားသောက်ဆိုင်လုပ်ငန်းတို့၊ အနှိပ်ခန်းတို့ ရောက်သွားတယ်။ အသက်ကြီးသူတွေ၊ ကလေးတွေ၊ ပြီးတော့ ကလေးအမေတွေက လမ်းပေါ်မှာ တောင်းရမ်းစားရတယ်။ အလှူခံ ပုဂ္ဂိုလ်တွေလည်း များလာတယ်။ သင်္ကန်းဝတ်တွေလို့ ပြောရမလား အဲလိုမျိုး အလှူခံတွေလည်း ရှိတယ်။ လဘက်ရည်ဆိုင်တွေထဲ စားသောက်ဆိုင်တွေထဲအထိ ၀င်လာကြတယ် ..”

လို့ မိုးမခ ပရိသတ်တဦးက သူ့အတွေ့အကြုံကို ပြောပြပါတယ်။

“ တနေ့ကတော့ ဘားလမ်း (ဗန္ဓုလ ပန်းခြံလမ်း)မှာ သန်သန်မာမာ လူတယောက်က ကျနော်ကို လက်မောင်းက ဆွဲထားတယ်။ အလုပ်ကအပြန် ကားခမရှိလို့ ကားခလေး ပေးနိုင်သလောက် ပေးပါတဲ့။ တောင်းတော့ တောင်းတာပဲ။ လက်မောင်းကိုလည်း ဆွဲထားတယ်။ မပေးရင် တခုခု လုပ်တော့မယ့် ပုံနဲ့ဆိုတော့ ခေတ်ပျက်ရန်ကုန် တောင်းစားနည်းအသစ်လို့ ပြောရမလို ဖြစ်နေတယ်။ ကျနော်လည်း ကြောက်ကြောက်နဲ့ ရှိတာလေး ထုတ်ပေးလိုက်ရတယ် …”

လို့ သူက ပြောပါတယ်။

Comments