အိမ်တွင်းရေး၊ ဇန်နဝါရီ
ထွန်းဝင်းငြိမ်း၊ ဖေဖော်ဝါရီ ၆၊ ၂၀၁၄
ဘဝဟာညွတ်ကွင်းတစ်ခုလား။
ကရွတ်ကင်း လျှောက်သူချင်းအတူတူ
လက်ထောက်ချသူကလည်း
လူလိုအရင်ဟစ်ပြီးတော့
မတော်မတရားဖြစ်နေတဲ့ ခေတ် ။
လက်ရုံးတွေကို နေလှန်းပြီး
ဒေါသနဲ့ ကန်းမနေကြနဲ့ ။
လေထုက နောက်ကျိတော့
ဘာမသိ ညာမသိ
စကားသံတွေ တအူအူ
ဟောင်သံတွေလည်း ဆူလို့။
လမ်းဆုံးလို့မှ ရွာမတွေ့သူ
ပြာပုံကို ဘာ ဘုံ ထင်နေလဲ မသိ ။
တအိအိ ပြိုနေတဲ့ အမှောင်မှာ
ရေညှိရောင် မျက်လုံးနဲ့
''အနန္တသူရိယ''ကို မုန်းသတဲ့ ။
မိတ်ဆွေတို့ . . .
မဟာဂေါ်ကီရဲ့
ဒဏ်ရာရ နှလုံးသားဟာ
ရှုတ်ချသံကြားမှ ဖွားမြင်ကြောင်း
ဆရာဖေါ်ဝေး ရေးခဲ့ဖူးတယ်။
တွေးမိတာက
မက်ခေယာဗယ်လီအမှတ်တံဆိပ်နဲ့
ချိတ်ပိတ်ထားတဲ့ ဒီမိုကရေစီကို
ဘယ်လိုသူတွေ ဂုဏ်ယူချင်ပါသလဲ ။
လူတချို့လက်ထဲက မိုးတ်ိမ်တွေ
ခြေဖနောင့်ထက် နိမ့်သူတို့ရဲ့
အိမ်တွေအပေါ် ရွာချဖို့
ငြင်းနေကျ မိုးလေဝသကို
ငါ . . . . . အော့နှလုံး နာမိတယ် ။ ။
ထွန်းဝင်းငြိမ်း
(၃၁ .၁ .၂ဝ၁၄)
(Photo credit - http://annecarolinedrake.files.wordpress.com/2009/03/peace-dove.jpg?w=300&h=237 )