ဆောင်းဖြူ - ရန်ကုန်ဟာ မလုံခြုံတော့ဘူး
(မိုးမခ) သြဂုတ် ၃၀၊ ၂၀၁၅
++++++++++++++
( ၁ )
ရန်ကုန်ဟာ မလုံခြုံတော့ဘူး
လွတ်ငြိမ်းချမ်းသာခွင့်နဲ့အတူ
လွတ်လပ်ပေါ့ပါးသွားသူတွေက
ကျွမ်းကျင်ပြီးသားအလုပ်တွေကိုပဲ ပြန်ရွေးချယ် …
ဆိုင်ကယ်ခိုးဖူးသူက ဆိုင်ကယ်ပြန်ခိုး
ဆိုးသွမ်းလုယက်သူက ပြန်လည်ဆိုးသွမ်းလုယက်
ဒီပုံစံနဲ့ပဲ
သူတို့ရဲ့အခန်းကဏ္ဍကို ဖွင့်လှစ်ခဲ့ကြတယ်။
ရန်ကုန်ဟာ မလုံခြုံတော့ဘူး
ပထွေးက မယားပါသမီးကိုစော်ကားတာဟာ
ရိုးရိုးစင်းစင်းဓာတ်ပြားအဟောင်း
လင်ပါသားက မိထွေးကိုစော်ကားတာသာ
ဇာတ်လမ်းအသစ်
စိတ်ညစ်စရာ။
ရန်ကုန်ဟာ မလုံခြုံတော့ဘူး
ကစားကွင်းတံခါးတွေ ပိတ်ပြီး
အဆိပ်ရည်ဆိုင်တွေ ပိုများလာ
အသိဉာဏ် ရှူစရာမရှိတဲ့ လူငယ်တွေက
ကော်တွေကို ပိုရှူလာကြ။
ရန်ကုန်ဟာ မလုံခြုံတော့ဘူး
ဘတ်စ်ကားပေါ်မှာလည်း အသက်ကိုဖက်နဲ့ထုပ်ထားရ
ပလက်ဖောင်းပေါ်မှာလည်း နောက်ကျောမလုံဖြစ်ရ
ကိုယ့်အိမ်ထဲကိုယ်နေတာတောင် စိုးထိတ်ရ
အချိန်တိုင်း ရင်’မ’ နေရတယ်။
ရန်ကုန်ဟာ မလုံခြုံတော့ဘူး
ကုန်းကောက်စရာမရှိသူတွေက ပိုပြီးမွဲပြာကျ
ပြည့်စုံသူတွေက ပိုပြီးကျိကျိတက်
အာဏာလက်ကိုင်ရှိသူတွေက ပိုပြီးအာဏာယစ်မူး
ဒီကြားထဲ
နိုင်ငံရေးသိုက်တူးမယ့်သူတွေကရှိသေး
အဲသလိုအခင်းအကျင်းတွေကပဲ
ရန်ကုန်ကို မလုံခြုံစေခဲ့တာလား။
( ၂ )
ဦးအောင်ဇေယျက
ရှင်စောပုရဲ့ ဒဂုံကို
ရန်အပေါင်းကုန်စင်လို့
" ရန်ကုန် " ဆိုပြီး သမုတ်ခဲ့သတဲ့
ဟုတ်တယ်
အဲဒီရန်ကုန်ဟာ
မလုံခြုံတော့တာ
ကြာပြီ။
ဆောင်းဖြူ
သြဂုတ်လ ၂၂ ရက်နေ့၊ ၂၀၁၅
××××××××××××
မိုးမခတွင် ဖော်ပြထားသည့် ဆောင်းဖြူ၏ ကဗျာများ
၁) မေတ္တာစာ
၂) အစ်ကို
၃) မြေစာပင်ရဲ့တေး
၎) တံခါးများ
၅) ၀န်ကြီးများရုံးတစ်နေရာ
၆) ရန်ကုန်
၇) နှလုံးသားထဲက အလင်းစက်များ
၈) စိုးရိမ်ရေမှတ် ဗမာပြည်